Wexto ke şarê kurd yê welatparez qiseykeno vano dewleta dagirker a tirk. Vano dewleta tirk dişmene mawo û mayo
La zereye nê qiseyan di nêkeno. Virt û vala verdeno.
Vano dewleta tirk dişmene mayo, la hembere dişmene senî têkoşîn bibo, gore eyê têkoşîn nêkeno.
Wexto ke yew vajo dewleta tirk dewleta dagirkera, beno yew şêro bibo eskere tirk?
Ney.
Wexto ke yew vajo dewleta tirk dewleta qirker, ben yew tutanê xo bişirawo dibistan û mektebên tirk?
Ney.
Wexto ke yew vajo huqûqê dewleta tirk huqûqê dagirkerîyo, beno yew reyna problemê xo bêro mehkemayên tirk?
Ney.
Wexto ke yew vajo dewleta tirk zulumkara, beno yew hembere dewleta tirk bêveng bimano?
Ney.
Wexto ke dewleta tirk hêrîşê Kurdîstanê bikero, beno yew fekê xo abikero û hina biewno?
Ney.
Wexto ke yew vajo dewleta tirk, rewa nîyo, beno yew şêro dezgeh û sazîyanê dewleta tirk de karbikero?
Ney.
Wexto ke yew vajo dewleta tirk ziwanê ma qirkena, beno yew reyna ziwanê kurdî qiseymekero, menusno, nêweno, la heme çîyanê xo de tirkî bişuxulno?
Ney.
Wexto ke yew vajo dewleta tirk bizanayîş şarê kurdî Kurdîstanê ra qewirnena, beno yew zî barbikero şêro bajarê Anatolîya û Ewropa?
Ney.
Wexto ke yew her çîyê dewleta tirk bizano û la reyna xo dewleta tirkî ra qut nêkero beno?
Ney.
Wexto ke yew dewleta tirk zey dişmenê bivîno, beno yew bîyayîşê dewleta tirk Kurdîstanê de qebûl bekero?
Ney.
Wexto ke yew bi heme quwwetê xo hembere dewleta tirk xoverdayîş nêkero, yew eşkeno vajo ez kurde welatparêza?
Ney.
Wexto ke Cizîra Botan, Sura Amede, Nisêbîn, Kerboran, Silopîyê şarê kurd qijanê ra bigeri hetanê pîlan şew û roj hembere tanq, top, panzer, helîkopter û teyaranê tirk xoverbido, beno Kurdê bîn zî temaşa bikerenê?
Ney.
Verênan ma vato ke, “Xo bizanê kî şar zî to bizano.”
Gereka ma hem xo hem zî dişemene xo rind bişinasne.
Ma gore zanayîşê xo zî hembere dişmenê wehş têkoşîn bikeri.
Ma hina nêker û Kurdîstane azad awannêkero, Erdogan meydan meydan bigero, sey baw û kalane ma vato, eynî hina bikero.
“Tewreyê zûran kerdo xo mil û geyreno”
Seba ke ma vernîye AKP, Erdogan û Hulusî Akar înan bigere, gereka ma yew wezîfedarên tirk Kurdîstanê de meverdi.
Wexto ke ma hina kerd ma eşkenê vaji , ma kurdê û ma welatparêzî.