Qezaya Mêrdîn Nisêbîn de reyna-fina ra 'qedexe'yê vetişê kuçe destkerd ci. Badê qedexe tîmanê teybet destpa êrişê welatijan kerd.

Nisebîn de dewlet qora 4. de 'qedexe' îlan kerd. 'Qedexe' yo ke mehleyanê Abdulkadîrpaşa, Firat, Dîcle û Yenîşehîr de 29'ê Mijdarî de, seatanê şan de roniya, rameno. Tîmê teybet gule rijnenê taxan-mehleyan ser. Nisêbînijî zî, zey her finî destpa xoverdayiş kerdî. Welatijî rîwale ke taxanê xo bipawê şew ra heta sodir nobet gênê. 

Hemşaredarê Nisêbîn Cengîz Kok'î aşkere kerd ke, ebi 'qedexe'yan şarê ma yeno cezakerdin. La hadreyînê şarê ma estê. Verra pêrokîn sereştişan Nisêbînijî dê xover bide. Kok'hi herzewbîn ard ziwan ke, netîceyê hewldayenê pêdiyayinê înan, qeymeqamî vato: "destê mi de teva çînyo, mi rê talîmata niya ame." Kok'î va, eke 'qedexe' niya dewam bikero, ma dhe nênazîbiyenê xo yê demokratîk hona vêşî berz bikerê.


Dêrik de terora dewlet ramena

Qezaya bîn yê Mêrdîn Dêrik de 'qedexe'yê dewlet roja 6. de yo. Tîmê teybet yê ke nêşkenê dekewê taxan, erzenê şarî ser. 

Dêrik de dewleta AKP 26'ê Mijdarî de, verra 8 taxan 'qedexe'yê vetişê kuçe îlan kerd. Çarçoveyê no 'qedexe' de, verra nî taxan sereştişanê tîmanê teybet ramenê. Vizêr tîmanê teybet yê ke nêşkenê dekewê zerreyê taxan ebi bombeyan êrişî kerdî. Taxa Cevîzpinar de guleyê bombeeştox îsabetê keyeyan kerd û keyeyan adir girot. Wexto ke welatijan hewl da adir tefînê,  bî hedefê êrişanê helîkopteran. Qeza ra dumanê siya û vengê pirodayişan berz bî. Herzewbîn tîmê teybet helîkopteran ra kirêşiyay qeza. 


Cizîr de 1 keso bîn kişiya

Heta bîn ra Cizîr de, dewlet hêrişê nûmayişê protestokerdinê kiştişê Tahîr Elçî kerd. Netîceyê sereştiş de jew welatijo bîn kişiya. 

Qezaya Şirnex Cizîr de, 29'ê Mijdarî de, seatanê şan de welatijî serva protestokerdinê cînayetê Elçî vejyay meydanan. Qeza de, jû roj nûmayişê vindernayişê cuwyan viraziya. Taxa Yafes de zî seatanê şan de welatijî vejyay meydanan. La polîsan êrişê welatijan kerd. Ser ceddeyê çorme de polîsan wesayîtanê zirxî ra bombe vornay nûmayişkaran ser. Netîceyê êrişa bombeyîn de welatijan ra Haci Sasûr'î weşiya xo kerd vinî. Cenazeyê Sasûr rîwalê sereştişanê polîsan taxa Yafes de, zerreyê jew keye de yena giroten. Vizêr zî jew domano bi nameyê Abdullah Cilasûn bi dirbetin. Abdullah o ke ser ceddeyê Kobanê ra, vîrd ra, bi hedefê gulevurnayenê wesayîtanê zirxî. Abdullah sewqê nêweşxaneyê Amed bi.


Sûr de sereştişê dewlet ramenê

Qezaya Amed Sûr de 'qedexe'yê vetişê kuçe hewadiya, la sereştişê dewlet ramenê. Sûr de vizêr polîsan vetişê kuçeyê Dort Ayaklı Mînare, cayo ke Serokê Baroyê Amed Tahîr Elçî ame kişten girot. Polîsê ke bi wesayîtanê Kobra, Ural û Akrep dekewtiş û vetişê mehle girotî, qontrolê kamî kerd û destûr nêda ke, şar are bibo. Polîsan rojnamegeran zî îqaz kerd û gegane gule vurna zerreyê mehle. 

Polîsan bombeyê gaz eşt şarî û waşt vila bikero. Didi kesî sûka bingerdî de rîwalê bombeyanê gaz tesîr bî û hewadiyay nêweşxane. Polîs û tîmê teybet peyser anciyay, la didi wesayîtê zirxî nezdiyê kuçe de vindenê.


Gever de sewqiyetê eskerî

Verra Gever sewqiyetê eskerî bi rojano rameno. Vizêr zî bi esker û wesayîtan ra sewqiyetê newe bi. Qezaya Colemerg Gever de, nezdiyê didi hefteyo kombiyînê eskerî rameno. Vizêr seatanê sodir de kî, sewqiyetê 5. viraziya. Raya petrol yê Şemzînan girotiya bin ablûqa. Konvoya sewqiyetî de, 30 ra vêşî wesayîta kîrpî ya eskerî û panzer, hetê qereqolê Karabey şî. Ronişteyê qeza guman kenê ke dewlet hadreyînê êriş û operasyonanê hera kena.  


 NAVENDÊ XEBERAN