Vîrusê Koronayî serra 2019î de sifte Çîn de vejîya û serra 2020î de zî pêroyina welatanê Ewropa û Dinya ra vila bî la demêko nêzdî de Ewropa de bi sehezaran bi nê vîrusî kewtî û bi hezaran kesî zî cuya xo dayê. ‎Mîyanê welatanê Ewropa de tewro zaf Îtalya de kesî vîrusî ra merdê û heta ‎nika Îtalya de 70 hezar vîyartî ke kesî bi nê vîrusî kewtê, nêzdî 9 hezar kesî weş bîyê û nêzdî 9 hezar kesî zî merdê. Dinya de heta nika 500 hezar kesî bi nê vîrusî kewtê, nêzdî 20 hezar kesî zî merdê. Çi heyfo ke lajê şaîrê namdarî yê Kurd Cegerxwinî, Kayo Cigerxwîn paytaxtê Stockholmî yê Swêdî de rîyê nêweşîyê Vîrûsê Koronayî (Covîd-19) cuya da. Kayo Cigerxwîn 84 serra bî û demêko derg bî Swêd de cuya kerdinê. AMED