Demîrtaş'î eleqe ant muhîmîya Aşma Remazanî ser û vat, eke mesaj û maneya raştîn ê Aşma Remazanî ameyaybî famkerden, nika hendayê hesrê çiman dê nêrijîyaybî.
Ti çira Serokkomar ê?
Demîrtaş'î vist vîrî ke Erdogan polîtîkayê lejî û ameyişê cenazeyan zey çiyekê normal hesibneno û vat: “Normal damûsnayişê kiştiş, qetlîam û lejî qebûl nêbeno. Eke ma hetanî qiyamet pêjewîni bikişê, o çax ti çira Serokkomar ê? Madem hend lejî ra hes kenê, o çax werz lajê xo serva 3 rojan birişe koyanê Cûdî û Gabar.
Demîrtaş'î vist vîrî ke, dûştê derbe tenîya HDP mûxalefet kena û vat: “Partîyê bînî çoşmeyê Erdoganî de ameyê pêser. Vera zilm, zordarîn û dîktatorîn ma danê xover. Wexto ke 3 kesî bîrê pê het, êrişan kenê. La belê eynî polîsî şinê bi kiştoxan fotografê selfî ancenê. Nîmeyê polîsan biyê wayîrê zîhniyetê winayinî.”
STENBOL