13’ê menge rojo îne (siba-meşt) rojêk dibistanîy boykot yenê kerdiş. Semed şagirtêy ku şinê dibistananê dewlete sey (ders) a olî bizorîy nêrêy dayiş. Semed naye rojo yewşemo vêrte mîtîng ame kerdiş. No mîtîng zî saziyê sivîl yê civakîy û bi hezaran şar tewr bi. Dirûşma ma “sey a olî bizore nêwazen şima bide domananê ma” qîray.

No waştek waştekêko cadew o. Lazimo na waştek bêro ca. Semed bêro ca zî wazen merdim paştî bido yê na waşteke wazenê. Waştekê yine waştekê xo bivîno.

Vatişêy verînana “heq nêdeyeno, heq yeno girewtiş”. Semed bêro girewtiş zî, wazen merdim paştî bido yewbînî. 

Yena vatiş vanê; merdimêk rocêk dano pîze û sînê yew merdimî ro. Merdim qîren vano ayyyyy paştî min! Merdimo dano pero vano dê bawnê enêra ez dana pîze û sînê yêro yo van ay paşt min. Merdimo derb weno vano belê raşt, ez zana ti nêdanê paştê min ro la ku paştê min bibayê ti nêşkê min ro dê. Ti zanê kes paşt min de çinyo a semed ra ti danê min ro. Ez tenêtiya xo rê dejen a. Êşê min, dejê min êş û deja tenêtiya.

Ewro dewleta Tirkiya netew dewleta. Netew dewletan de tenê yewîtî vazen. Yew milet, yew ol, yew mezheb yew yew yew. La ma heme zanê ku na erdnîgarîye ser zêde-zêde gel, ol û mezhebîy estê. Nê netewan, ol û mezheban têydir zey biran îdare kerdo. Yew bînandir cîrantî kerda. Qedr û qîmetê cîrantî zî zano û zanê zî. Rûmet dawo ziwanê yewbînî. Rûmet dawo îbadetê yewbînî. Rûmet dawo cay îbadetê yewbînî.

La wexto goş dawo îktîdar a wext bîy neyarê yew bînî.     Zêde - zêde teda dawa yewbînan. Rûpelê bi na awa zehf zêdeyê. Semed êzidiyan zey yeno zanayiş no qetlîamo hewtay hîrine. Qehreman û lehengê nê şaran verniya cê girewt. Ewro hetê îqtîdarî ra zehf mafê merdimayîy dekerdê binê lîngan. La çewres sero leheng û qehremanê nê şaran xoverdayişêk (berxwedanêk) bê hempa danê (kene). Raya azadiye biya nizd. Kobanî verê çimande yo. Wexto merdim awnen dîrok ra merdim vînen xelasî duşt zulm û zordestî tenê raya aqûbetî ya. Ray û rêça aqûbetêk bi zanayiş raya xelasiya.

Vanê merdim duşt zilm, zor û teda bê sewt, bê veng nêmano. Xo yena vatiş “merdimêko duşt zilm bê weng bimano şeytano bêziwano”. Ma pêro lazim goş bidim heq. Duşt neheqî mil bidim milê yewbînan. Na erdnîgarîye ser heme kêmnetew, ol û mezhebanrê ca û war esto. Bibiyo a semedra heta ewro amew. Her netew, ol û mezheb dewlemendiya. Ma wayir ro na dewlemendî vejyim. Paştî bidim yewbînan. Paştê yewbînan bigerime. 

Bi sayê sere reyber û serokê kurdan birêz OCALAN î, bi ray û rêçikê felsefa yê, bi tekoşînê rayhevalanê cêy, ewro tenê semed kurdan nê temamê Rojhilatê Mîyanin û temamê dinyay rê biyo omûd biyo şewq, biyo roşn. Lazim her merdim xoverbido.