Artêşa Şoreşgeran, Cephet El Ekrad, Meclîsa Lejkerî ê Bab û Tûgaya El Şemal El Demokratîk, dewanê Şehba de, vera çeteyanê DAIŞ operasyon virazena. Netîceyê operaysonî de, hetanî nika xeylê dewî çeteyan ra kerdî pak û bi desan çete kiştî.
Vizêr şodir de zî, çeteyanê DAIŞ dewanê Wehşiyê û Hesîbe ra, bi tifînganê giran êriş kerdî. Quwetanê artêşa şoreşgeran cewab da êrişan û xeylê noxteyan de lej vejîya. Goreyê Ajansa ANHA netîceyê lejî de, bi desan çete kişîyay.
Tirkîye aya kerd
Heto bîn ra vatoxê Meclîsa Lejkerî ê Cerablûs vera îxtimalê êrişanê newî, rayverînê tirk aya kerd. Vatoxê fermî yê meclîsî Elî Heco ke ANHA rê qisey kerd vist vîrî ke, înan bi mabeynkarînê Emerîka û Koalîsyonê mabên netewî adirbirnayin viraşto. Elî Heco ard ziwan ke, adirbirnayin nîno maneya qebûlkerdişê îşgalkarînê tirk û va: “Eke dewleta tirk adirbirnayinî binling bikero û êrişan biramo, ma dê cewab bidê, şar û welatê xo, bipawê.
ANHA/KOBANÊ