La medyaya hetkar yê AKP zûrîyanê xo ramena û sûcê kiştişê Îlkbaharî erzena gerîlayan ser. Pawitoxê malbata Îlkbaharî H.Aygunî cewab da îdiayan û aşkere kerd ke Mesût Îlkbahar hetê lejkeran ameyo kisten.
Sûcê ‘kiştişê mordemî’ kerdî
Aygunî da zonayen ke dosya de îfadeyê 4-5 lejkeran estê. Pêrokînî vanê ‘badê êrişê dûştê qereqolî wexto ke wesayîta kango nejdî bî quleyan ra anonsê “Dê êrişa bombeyîn virazê aya bê” bi, peycoy îqazê ‘vinde’ kerdî dima ra zî wesayît day ver guleyan.’ Aygunî da zonayen ke ti lejker û sûbayî qebûl nêkenê ke wesayît gulevaran kerdîyê, kes îtiraf nêkeno û nîya va: “Mesafeyê mavêna wesayît û qereqol 250 metre yo. No kî dano mûsnayen ke pirodayişê wesayît bi meqsedê vindernayin nê, kesê ke zerreyê wesayît de yê hedef ameyê giroten. Zewbîn eve na wesayît her hefte roja Dişeme Mesût pîyê xo Alîşan Îlkbaharî seweta eştişê îmze beno qereqol. Gunê xereqol na wesayît rind bisilasno. Mi cayê bîyayen dî, xeynê cînayet û çinîkerdişê îzehetekê bîn yê hedefgirotişî çinyo.”
Pawitox Aygunî vist vîrî ke lejkerê ke Qereqolê Daloren ra gule vornaye Mesût Îlkbaharî ser sûcê ‘kiştişê mordemî’ kerdê û waşt ke şahidê bîyayiş bîrê goşdarîkerdiş û derheqê lejkeran û personelê ke gulevornay de dawa bîro rakerden.
DERSIM