Vervatoxa Delegeyan ya Kongreya Komela Demokratîke (KCD) Zelal Bîlgîne ya ke 9ê êlule de çarçeweya operasyonê qirkerdişê sîyasî de Amed de bi 140 kesanê bînan a pîya ameybî tepiştene 4 rojî verê ameye tehlîyekerdene, derheqê çalakîya Leyla Guvene de malûmatê muhîmî dayî.
Bîlgîne viste vîrî ke Guvene 7ê teşrîna peyêne de dest bi grevê vêşanîye yê bêdem-bêvurîyayîşî kerde û wina domnaye: “Leyla Guvene seba wedarnayîşê tecrîdê serê Rayberê Şarê Kurdî Abdullah Ocalanî, 25 rojî yo bi xoverdayîşê girdî çalakîya xo rê dewam kena. Guvene heme şarê kurdî û hemrayanê xo rê silam şawitî û va ke ‘çalakîya aye do heta wedartişê tecrîdî dewam bikero û waşte ke wa her kes tecrîdî bikero rojeva esasî û paştî bido na çalakîye.”
AMED