Pîrozbahiya doh li Otêla Tawara destpê kir, Hevseroka Kantona Cizîrê Hediye Yûsûf, Serokê Parlamentoya Herêma Kurdistanê Dr. Yûsûf Mihemed, berpirsê KCK’ê yê Herêma Kurdistanê, nûnerê HDP’ê yê Herêma Kurdistanê, nûnerên YNK, Tevgera Goran, Tevgera Azadî, Hizba Zehmetkêşên Kurdistanê, Hizba Pêşerojê ya Kurdistanê û gelek rêxistinên jinan, akademîsyen û kesayetên siyasî tevlî bûn.
‘Hedefa Sûriyeya demokratîk e’
Di pîrozbahiyê de Hevseroka Kantona Cizîrê Hediye Yûsûf axivî û eyama yêkîtiya neteweyî da.
Yûsûf diyar kir ku têkoşîna şoreşa Rojavayê Kurdistanê mohra xwe li sedsala 21. da û got: “Şoreşa Rojava şoreşa 40 milyon Kurdên li Başûr, Bakûr, Rojhilat û Rojavayê Kurdistanê ye”
‘‘PDK’ê li ser Rojava derî girt’
Hevseroka Kantona Cizîrê Hediye Yûsûf minetdariya xwe ya ji bo her çar parçeyên Kurdistanê yên di dema şoreşa Rojava de di aliyê manewî û aborî de destek dan gelê Kurd anî ser ziman. Yûsif PDK jî rexne kir û got dema êrîş li ser Rojava pêk dihat PDK’ê deriyê xwe ji Rojava re girt.
Yûsûf di dawiya axaftinên xwe de got: “Şoreşa Rojava şoreşa çar parçeyên Kurdistanê ye.”
Piştî Hediye Yûsûf, Serokê Parlamentoya Herêma Kurdistanê Dr. Yûsûf Mihemed axivî û wiha got: “Yekîtiya gelê Kurd li dora Rojavayê Kurdistanê çêkir, êrîşên dijmin ên li ser vî parçeyî vala derxistin.”
Di pîrozbahiyê de peyama KCK’ê berpirsê têkiliyên derve yê KCK’ê yê Herêma Kurdistanê Cemal Erdal axivî û got: “Gelê Kurd wê li ser bingehê yekîtiya neteweyî û yekparçebûnê azadiya xwe garantî bike.”
Her wiha di pîrozbahiyê de peyamên YNK, Tevgera Goran, Hizba Zehmetkêşên Kurdistanê, Hizba Pêşerojê ya Kurdistanê û Tevgera Azadî hatin xwendin.
Di dawiyê de ekîba Giştî folklora Kurdistanê, koma Şehîd Berçem a ji Kampa Mexmûrê tevlî pîrozbahiyê bû û bi stranên hunermend Îhsan Zîrek bi dawî bû.
ANHA/SILÊMANÎ