Pêşengê zimanê Kurdî û rojnamegeriya Kurdî, her wiha rewşenbir û nivîskarê Kurd Celadet Elî Bedirxan ku di çapkirina kovara Xoybûn de rolek mezin lîst, her wiha ku di sala 1930'an de li ser Kurdî hûr bû û kovarên Hawar û Ronahî çap kir, di 60'emîn salvegera mirina xwe de hate bibîranîn. Bernameya bîranînê li Navenda Çand û Hûnerêya Mem û Zînê ya Cizîrê hate lidarxistin. Di bernameyê de Şaredarê Şirnexê Fadil Bedîrhanoglu, Serokê BDP'a Cizîrê Esat Malkoç, berdevka TZPKurdî Xecê Şen, nivîskar Hasip Yaniç, endamên meclîsa giştî jî di navde bi sedan kes amade bûn. Di bernameyê de pankarta "Di 60'emîn salveregera koça Celadet Eli Bedirxan ya dawî de em wî bibîr tînîn" û "Zimanê me rûmeta me ye" hate vekirin.
Bernameyê bi rêzgirtinê dest pê kir. Nûnerê KURDÎ-DER'ê yê Cizîrê Bahdin Robar, diyar kir ku rola Bedirxan ya li ser zimanê Kurdî gelek mezine û Celadet Elî Bedirxan ji bo azadiya çand û zimanê Kurdî toşînek gelek mezin daye. Robar, da zanîn ku Bedirxan ji ber têkoşîna xwe ya ji bo parastina Kurdî hate sirgûnkirin û li sirgûniyê jiyana xwe ji dest da.
Nivîskar Hasîp Yaniç jî li ser pêşketina Kurdî û dîroka zimanê Kurdî axivî. Şaredarê Colemêrgê Fadil Bedîrhanoglu jî gotina Celadet Elli Bedirxan a "Ji bo em Kurdistanê bibîr nekin divê em her tim bi Kurdî biaxivin" bibîr xist û wiha got: "Bedirxan, li dijî înkar û îmhayê tu carî serî netewand û têkoşîna xwe bilind kir. Celadet Eli Bedirxan, her tim dixwest ku em bi zarokên xwe re bi Kurdî biaxivin. Digot ger ku hûn xwe ji bîr bikin hûn dê Kurdistanê jî ji birî bikin."

Berdevka TZPKurdî Xecê Şen jî li ser girîngiya Kurdî û ropa Bedirxan rawestiya û xwest her kes li Kurdî xwedî derkeve. Pişt re lîstika şano hate nîşandan. Lîstika ji aliyê şanoya Birça Belek ya NÇM'a Cizîrê ve hate lîstin rastî leeqyek mezin hat.

ANF/ŞIRNEX