Komaleya Çand û Hunerê ya Eftelyayê li taxa Mahallebaşiya Erziromê ye dersên Kurdî da destpêkirin. Dersên ku didin ji aliyê xwendekarên Zanîngeha Ataturkê Ferhat Uzun bi dildarî tê dayîn. Roja şemî û duşemê di navbera seat di 13.00-17.00’an de dersên Kurdî tên dayîn. Dersên bi Kurdî tê dayîn xwendekarên tirk jî beşdar dibin.  Xwendekarên Zanîngeha Ataturkê Ferhat Uzun derheqê perwerdehiya Kurdî de diyar kir ku ew ê di dawiya perwerdehiyê de ezmûnan çêbikin û wiha axivî: “Dersên ku em didin bi 3 qonaxan bê dayîn. Bi berketiya yek, dido û sê de dawi bibe. Armanca me demên kin de xwendin û nivîsê welatiyên ku diltengî dijî li holê rakin. Piştî van merhaleyan ezmûn bê çêkirin û bawername bidin xwendekaran.”

´Bila ziman tune nebe´
Xwendekar Uzun bal kişand ku hebûna zimana hebûna mirovahiyê ye û wiha pêde çû: “Zimanê me bi salan e hatiye qedexekirin. Me ji bo azadkirina ziman bedelên giran daye. Pêwîste ku em perwerdehiya Kurdî bibînin. Bi salan e polîtîkayên mêtingerî û pişaftina zimanê me çanda me polîtîkayên qirkirinê meşandiye.. Em zimanê xwe û çanda xwe bernadin. Em nahêlin zimanê me tune bibe.”

Hewldana li dijî pişaftinê

Xwendekarê zanîngehê Vefa Işik jî ji diyar kir ku girîngîya kursên hene lê kemaniyê wê jî hene û wiha axivî: “Di şert û mercên Erziromê de em nikarin li korîdora dibistanê, di wesayîtan û li taxan em zimanê xwe biaxivin. Ji aliyê komên faşîstan rastî erîşan tên. Em dixwazin zimanê xwe di her derê û bi awayekî azad biaxivin. Ji bo vê jî perwerdehîya zimanê dayikê şert e. Em polîtîkayên û pişaftina dewletê qabûl nakin. Ez difikirim kursên ku vebûye bi serkeftî bi dawî bikin.”

DIHA/ERZIROM