Êrişên dagirkeriyê yên dewleta Tirk ên li ser Heftenînê dewam dikin. Gerîlla Rizgar Welat der barê şerê li Heftenînê de agahî dan û got, dewleta Tirk ji bo vê tevgera dagirkeriyê derfetên xwe yên teknîkê bi her awayî xistiye dewrê. Amadekariyên gerîlla jî di asta herî bilind de ne. Li her qada Heftenînê berxwedaneke mezin heye. Gerîla bi rengekî profesyonel tevlî şer dibe. Hem ji aliyê çalakiyên li dijî dijmin ve hem jî di mijara xweparastinê de xwedî amadekariyên baş e. Bêguman di şer de şahadet jî hene. Dijmin bi awayekî xurt teknîkê bi kar tîne. Di erdê re esker newêrin tevbigerin, vê jî bi çeteyan dide kirin. Rast e, dewleta Tirk xwe gihandiye ser hin giran, lê belê ne mîna ku dijmin propaganda dike ku tevahiya Heftenînê girtiye. Berevajî, gerîla li her devera Heftanînê hene û li ber xwe didin. Li dijî dijmin çalakiyên xurt tên kirin. Di asta profesyonel de bi taktîkên gelekî dewlemend li dijî dijmin çalakî tên kirin. Moralê dijmin têk dibin. Tirseke mezin ketiye dilê dijmin. Dewleta Tirk wê li Heftanînê bifetise. Şer dibe ku demeke dirêj bidome. Dewleta Tirk wê gelek kuştiyan bide û wê nikaribe bi ser bikeve.” [caption id="attachment_258799" align="alignnone" width="660"] ANF Images[/caption]

4 şehîdên Xerza

HPG’ê 4 nasnameya 4 şehîdên Xerza eşkere kir. HPGê got; ”Hevrêyên me bi berxwedana xwe bûn mînakê şervaniya rûmetê û fedaîtiya Apoyî.” Navenda Ragihandin û Çapemeniyê ya HPG’ê 4 gerîlayên li Xerzanê şehîd bûn bi bîr anî û di daxuyaniya xwe de got; ”Di daxuyaniya 8’ê Hezîranê de me ragihandibû ku 4’ê Hezîranê artêşa TC a dagirker li gundê Siyanîs ê navçeya Hawêl a Sêrtê dest bi tevgerê kiriye û di dema vê tevgerê de 2 hevalên me yên bi lehengî li dijî dagirkeran şer kirin şehîd bûn. Fîkret Şahîn bi nasnav Sînan Garzan li Mûşê ji dayik bûye û Serhat Çakir bi nasnav Xemgîn Ronî li Sêrtê ji dayik bûye, 5ʼê Hezîranê li Sêrtê şehîd bûn. Di daxuyaniya 23’ê Hezîranê de jî me diyar kiribû ku 19’ê Hezîranê artêşa TC a dagirker li gundê Siyamîr ê navçeya Tetwanê ya Bedlîsê ketiye nava tevgerê û di vê dema vê tevgerê de ku heta 22’ê Hezîranê dewam kir, hevalên me Abdulkahar Çoban bi nasnav Çekdar Canfeda yê li Bedlîsê ji dayik bûye û Recep Yaşar bi nasnav Dersim Çekdar ê li Bedlîsê ji dayik bûye, 19ʼê Hezîranê li Bedlîsê şehîd bûn. ANF/BEHDÎNAN