Ezmûnên xwendekaran ên nîviya salê di 8’ê Çile de destpê kirin û duh bi dawî bûn. Li seranserî Rojavayê Kurdistanê piştî perwerdeya 4 mehan û ezmûnan 438 hezar û 900 xwendekarên ku 665 dibistanan dixwînin ketin betlaneyê. Betlaneya nîviya sala perwerdeyê wê 15 rojan dom bike.

Çavkaniyekî ji Saziya Zimanê Kurdî (SZKR) destnîşan kir ku hemû xwendekar tevlî perwerdeya zimanê Kurdî bûne û ezmûnên Kurdî jî hatin lidarxistin. Heman çavkanî da zanîn ku ji destpêka salê 2 hezar û 150 mamosteyên zimanê Kurdî ku li 665 dibistanan belav bibûn dersên Kurdî dane xwendekarên pêkhateyên Rojava yên Kurd, Ereb û Suryaniyan. Li ser daxwaza suryaniyan li hin dibistanên Rojava û li gorî derfetên heyî dersên bi zimanê suryanî jî hatin destpêkirin.

NAVENDA NÛÇEYAN