Li Qamişlo, xwendekaran li zaningeha Memûn a li Taxa Erbewiyê şahiyek lidar xistin. Di şahiyê de  li ser navê PYD’ê, PDPKS’ê, Saziya Zimanê Kurdî û Meclîsa Taxa Qudûr Beg axaftin hatin kirin. Di şahiyê de Koma Sarya Cudî stran û govendên xwe pêşkêş kirin.
Li Hesekê jî bi heman armancê xwendekaran şahiyek li lidar xistin. Piştî deqeyeke rêzgirtinê endama Yekîtiya Star Viyan Heseke axavî û anî ziman ku qonaxa gelê Kurd dijî qonaxeke dîrokî ye, lewre divê ciwanên Kurd û her kes  baldarbin. Piştî axaftinan Koma Tolhildan derket ser dikê û stran gotin.
Li Dêrika Hemko jî xwendekaran şahiyek lidar xist. Gelek xwendekar û rewşenbîr tevlî şahiyê bûn. Di şahiyê de daxuyaniya Konfederasyona xwendekaran hate xwendin û axaftin hatin kirin.

Li Kobanê xwendekaran li navenda Baqî Xido ya Çand û Hunerê şahiyek lidar xist. Piştî deqeyeke rêzgirtinê ji aliyê xwendekaran ve şano, govend û stran hatin pêşkêş kirin.


ANHA/QAMIŞLO