Piştî Serokomar Abdullah Gul "Zagona Derbarê Parastina Fînansmana Terorîzmê" ya li hemberî karsazên kurd hate amadekirin û ji aliyê BDP'ê ve "Baceya hebûn" û "zagona qirkirinê" bi nav kir erê kir dozgeran dest bi tevgerê kir. Dozgerê Komarê yê Wanê Canîp Cîhangîr li gorî lêkolînên polîsan kirin û îfadeyên şahidên nepen îdîaname amade kir û derbarê 10 komeleyên di nav de komeleyên jinan û KURDÎ-DER'a Wanê jî heye bi hinceta têkiliya wan bi PKK'ê re heye xwest bên girtin. Îdîanameya dozgeriyê ji aliyê Dadgeha Hiqûqê ya Asliye ya Wanê ve hate qebulkirin.

Dozgeriyê xwest ku Komeleya Piştgirî û Alîkariya Malbatên Xizmên Xwe Windakirin ên Mezopotamyayê (MEYA-DER), Komeleya Alîkarî û Hiqûqa Demokratîk a Xizmên Hikimxwar û Girtiyan (TUYAD-DER), Komeleya Çand û Lêkolîna Zanistî ya Pirsgirêka Penaberan a Wanê (Van GOÇ-DER), Komeleya Xwendekarên Zanîngeha Yuzuncu Yilê ya Wanê (YODER), Komeleya Jinê ya Wanê (VAKAD), Komeleya Hemwelatiyên Azad a Xaçortê, Komeleya Civaka Azad a taxa Seyît Fehîm Arvasî, Komeleya Gelê Azada ya Taxa Yenî, Komeleya Pişvebirin û Lêkolîna Zimanê Kurdî (KURDÎ-DER) û Komelea Gelê Demokratîk a Taxa Akkopruyê bên girtin.
Rûniştina doza derbarê komeleyan de dê rojên pêş de li Dadgeha Cezayên Asliye ya Wanê bê dîtin.

WAN