17ê Cotmeh seat 05.00ê sodir ra tepya 14 dewanê qezayanê Amed Licê, Hezro û Karaz de qedexeyê vejyayişê teberî ronîya û operasyonê lejkerî destpa kerd. Çi qe ke xedexe vizêr wedarîya la hereketîna lejkerî ramena. Qedexe ra dima hereketîna lejkerî xêlê mintiqayan de dewam kerd. Çortalê Licê de sewqiyatê lejkerî virazîya. Rîwalê operasyon û hereketîna lejkerî bi xêlê mintiqeyan ra eleqe birnîya. Zerreyê Licê de şebekeyê telefon û înternet birnîyayê. Lejkeran xo dewa Licê Nenyas de bi ca kerd û destûr nêda ke dewijî bivejyê teber. Vizêr zî deweka Kabakkaya hetê helîkopteran amê bombevornayen. Netîceyê bombevornayenî de na mintiqe de veş vejya. Rîwalê veşî rêz, bostan û hêgayê dewijan veşay. La waliyê sûk îdia kerd ke veş hetê ‘kesanê ke kincê (çina) sivîlan dayê xo ra vejîyayo.’
2 qoricî kişîyay
Heto bîn ra qoricîyê ke tewrê operasyonî bî, bî hedef. Verra wesayîta qoriciyê ke operasyon ra ageyray, ser raya Licê-Pasûr de gale virazîya. Netîce de di qoricî merdî û xêlêyê ci zî bî dirbetin. Wesayîta qoricîyan bî wel û xêlê polîs, ambûlans û wesayîtê îtfaîye kirêşîyay cayê bîyayiş. Na bîyayiş ra dima xêlê qoricî kewtî dewa Şêxan û hêrişê welatijan kerdî. Qoricîyan welatijê bi nameyê Kerîm Perçîn derb kerdî û girotî bin çiman. Nîno zonayen ke Perçîn berdîya kam ca?
Qoricîyan welatijan derb kerdî
Herzewbîn qoriciyan deweka Xencer de zî di gurekarê DEDAŞ û mixtarê dew amey derbkerdiş. Licê'deki saldırının ardından korucular Xencer mezrasına sayaç okumaya giden iki DEDAŞ çalışanı ile yoldan geçen köy muhtarını feci biçimde darp etti. Gurekarê DEDAŞ hewadiyay nêweşxane. Mixtaro ke qolê ci şikîya destûr nêday ke hewadîyo nêweşxane.
Hêrişê dûştê qoricîyan ra dima rayê Licê hetê lejker û qoricîyan amey girotiş. Herzewbîn welatijê ke ray ra vêrenê ra raştê qontrolê kamî yenê.
DÎHA / AMED