Operasyono ke verîya 20 rojan Licê de ame destpêkerdiş rameno.Roja verî pirodayîşan de 1 leşker merd û 3ê ci zî bî dirbetin. Lejkerê ke derbeyê girdî wenê hêrişê welatijan kenê. Dewa Beşişte yê Lîce de leşkeran gencê bi nameyê Osman Yalavuz o ke piyê 4 domanan o bi guleyan giran kerd dirbetin, lajapê ci Mesût Yalavûzî zî tepişt û dima ra ci ra xeber nêamê girewtiş.
Osman Yalavuz o dirbetin Nêweşxane de yeno dermankerdiş. Derheqê Mesût Yalavûzî de zî guman û tersî benê vêşî. Birayê ci Nîmet Yalavûzî ard ziwan ke leşkeran înan rê vato ke “Mesût destê ma ra remayo“. Yalavûzî bi persa ‘Senî beno ke mîyanê 10 hezar leşkeran ra biremo?“ hayr ant şupheyê înfazî ser. Walîyê sûk 2 lajapan zey ‘Tetorîst’ damûsnabi.
Fîs de qetlîam
Heto bîn ra dewa Licê Fîs de vizêr wesayîta zirxî yê lejkeran gina yew wesayîta sivîlan ro û 5 welatijan qetil kerd, 5’anê ci zî kerd dirbetin. Roja verî zî bi eynî metodî û eynî ca de 2 sivîlî amey kiştiş.