Licê zerrê welatê ma Kurdistanê de pê berxwedanîyê(xoverdayîş) xo yeno şinasnayîş.
Qila adirî, qila azadî pê awankerdişa PKK, verêcu Licê de ameya tavistiş.
Dima ra bîya vila.  Kurdistanê re bîya roşna.
Nika zî Licê tewirek bîn xoverdayîş keno.
Cinî û camêrd, kal û pîr, keyna û laj, qijek û pîl  serewederatiş keno.
Çend aşmiya xoverdayîş kenî.
Vanî ma qerekol, dizik û dezgehê Tirk, polîs û eskerê Tirk nêwazenê.
Vanî no welat Kurdistano û welatê ma wo.
Vanî esker û polîsê Tirk, dezgehê Tirk Kurdistanê de sekenî?
Wa, Kurdistanê re bivejîyenê.
Seba nayê xoverdayîş keno, şehîdan dano.
Şarê Kurdistanê ewneno Licê.
Şarê Kurdistan wayîrê şehîdanê Licê, Ramazan Baran û Baqî Akdemîr vejîyono.
Şarê Kurdistanê egîdîya Şarê Licê vîneno.
Şarê Kurdistanê xo ra Şarê Licê mîsal geno.
Seba nayê vano,”Her ca Lice yo! Her ca Serhildana!”
Şarê Kurdistanê wehşitîyê R.T.Erdoxan û dewleta Tirk qebûl nêkeno.
Seba Kurdistanê Azad  sond wendo.
Vano, heta Kurdistanê Azad ma awan nêkerê ma nêvindinê.
R.T.Erdoxan no qerarbîyayîşê Şarê Kurd vîneno. Reyna talîmatê qirkerdişê Şarê Kurd dano
Vano, pêronê  cayan de zê Tokat de bi, hina hêrîşê Şarê Kurd bikerenê. Êrîşê qijan-domam- zî bikerenê.
Wexto ke, R.T.Erdoxan hina talîmat dano, Şarê Kurdistanê re zî yew rayîr manena.
Şarê Licê sekeno, mecburo eynî çîyê bikero.
Çunke, hemverê hêrîşê Dewleta Tirk, AKP û R.T.Erdoxan teberê xo pawitişê û xoverdayîşê qet yew rayîra bîn çîna.