Cemxaneyê Duzgun Babayî yo ke Qisleyê Dêrsimî de ca gêno rayberîya cemxaneyî dîyar kerd ke ê peynîya hewteyî vilakerdişê Loqmaya Hawtemalî bikerdinê betal kerdê û leye ronayişî zî taloq kerdê.
Aşkeraya rayberîya cemxaneyî winaya: “Bawerîya ma, cuya, weşîya merdimî nîşandayişê rêzî ma ra musneya. Pêroyina Dinya de Vîrûsê Koronayî vila bî û no vîrûs zî seba weşîya merdiman zî telukeyêko gird o. Rêxistinê Weşî yê Dinyaye zî na nêweşî xo ra sey nêweşîya Pandemî îlan kerd û nameyê ci zî COVÎD-19 rona. Cemxaneyê ma yê elewî zî bi lezî qerar da ke aşkera û planê ma ke estê bêrê betalkerdiş. Ma sey ewladê reya heqî, hurmetê awa cuyaye û seba merdimî, vera nêweşî ganîya ke bi baldar têbigêrî. Na çarçiwe de ma sey Rayberîya Cemxaneyê Duzgun Babayî, Loqmaya Hawtemalî betal kenê û leye ronayişî zî sewbî yew tarîxî ra taloq kenê. Heme xebat û çalakîyê ma, ma taloq kerdê.”
PÎRHA/DÊRSIM