ARJÎN DÎLEK ÖNCEL / MA/AMED
65 serra Layika Kılıç Rêzanê Amedî de bi kêna û tornê xo de têkoşînê cuya dana. Malbat seba ke faturayê ceryanî zaf nêro, finde reyde keyeyê xo roşn kena. Seba xo germkerdişî zî tena qutê û battanîye şuxilnenê. Malbata Kiliç 25 serrî ver veşnayişê dewa xo ser o nêçare koç kerdê, nika binê sînorê veşanî de cuyenê û debara xo zî bi hetkarî cirananê xo kenê.
Layika Kiliç demo ke şîna nêweşxane, dermanêkê doktorî nuseno nêeşkena biga. Kiliç wina vat: “Kêna min persgirêkê weşîye ser nêeşkena bixebita. Demo ke ez şîna bazarî nêçare tepa agêrena. Ma yew roj nano germ wenî. Verekna xo ra bimranê,no halî de nêcuyaynê. Her çik ra zam ameyo, ma nêeşkenê arwan bigê. Ra ra vana xo bikişa.”
ç
Kiliç aşkera kerd ke demo ke deynanê xo firin û bakalê xo nêdê, zaf eyb û şerm beno û wina domna: “Ra ra ciranê ma hetkarîya pereyi kenê. Nê pereyi zî seba kîra û faturayan ez kom kena. Ma seba ceryano qaçex şuxilna, 3 mîlyar cezaya pereyi ame. Nika seba ke êzim û ceryan zaf bi vaye no ser ma xo bi batenîyan germ kenê.”