Mamostayê tarîxî Adem Şahîn, mamostayê tirkî Ferhat Turkoglu û mamostaya verdibistanî Îrem Vurale bi Qerarnameyê Hukmê Qanûnî (KHK) ameybî îxraçkerdiş, 7 aşmî yo ke Wan de kafe akerdî. Babete ser o mamosta Adem Şahîni qisey kerd.
Mamosta Şahînî hayr ant hewildayenanê xo yê alternatîfî ser û wina va: “Ma seba ke beşdarê grevê KESK û xebatê sendîkayan bîyî, kar ra ameyî eştiş. Ez mamostatî ra ver alternatîfê xebatan fikiryayêne. Bi nê fikran mi kafe akerd.”
Xo mehkumê qederê xo nêkeme
Şahînî va’wexto ke ma kafe akerd ruhsat û belgeyê bacî çinêbî, cok ra kafe ame padayîş’ û wina qedêna: “Xebatê ma yenê astengkerdiş. Seba ke ma ameyî îxraçkerdiş, heqê weşî nêdîyeno ma. Cok ra ma nêeşkenî ruhsatê tîya bigîrî xo ser. Wexto ke ma sebebê nêdîyayîşê ruhsatî persenî, ma ra yeno vatiş ke talîmatê emnîyetî yo, ma mecbur î mor bidî tîya ro. Wendekarê ma yenê tîya û ma tena nêverdenî. Mekteb tena dêsî nîyî û wendiş tena mabênê dêsan de nîno dayîş. Ganî ma bêomid nêbî û xo mehkumê qederê xo nêkerî.”
WAN