Êzidîyê ke tarîx ra nata qetlîyaman ra derbaz bîyî, 3ê tebaxa 2014î de raştê hêrişê çeteyanê DAIŞî ameybî. Çeteyan cinî, doman nêva, bi hezaran êzidîyan qetil kerdbî û bi hezaran êzidîyî zî esîr girewtî. Reyna bi hezaran êzidîyî zî mecbûr mendî ke koç bikerî. Êzidîyê ke koç kerdî, Kampa Serdeştî de bica bîyî û 5 serrî yo ke kampe de cuyenî.
Koyanê Şengalî de zimistanî şertanê zehmetinan de derbaz benî. Bitaybetî êzidîyê ke heywankarîye reyde mijul benî, barê înan zimistanan xeylê giran beno. Ê mecbûr î ke heywananê xo binê çadiran de miqate bikerî.
Cinîya bi nameyê Heyo Behrîya ke karê heywankarîye kena, va ‘ma zaf zehmetîyan ancenî’ û wina domnaye: “Labelê ma kêfweşîya ke ma erdê xo ser o yî, cuyenî. Ma tebîetê xo ra nêqerfîyayî. Ma minnetê ti kesî nêkenî û erdê xo ser o cuyenî û karê heywankarîye reyde debara xo kenî. Herçiqas ke hîna zaf bîyo zehmetin zî, ma xover danî. Ez veng dana heme êzidîyan ke wa erdê xo canêverdî û biagêrî erdanê xo.”
ŞENGAL