ZEYNEP KURAY /ANF
Nuştoxe, şaîre û aktîvîste Muazzez Uslu Avciye zî derheqê referandûmî de qisey kerde û fikrê xo arde ziwan.
Avciye aşkere kerd ke ‘eke cinîyî referandûmî ra ver bi şîyarê ‘nê’yî bivejyî rasteyan, do sîstemo faşîst derbeyêka girde biwero’ û wina domnaye: “Ma cinîyî mecbûrê nê sîstemî nîyî. Ganî cinîyî vera sîstemê dagîrkerî yê camêrdî de hişyar bibî û astengkerdişê camêrdî de vajî nê.”
Vatişê ‘nê’yî destpêk o
Avciye dewamê qiseykerdişê xo de bale ante muhîmîya referandûmî ya seba cinîyan kerde û wina dewam kerde: “Bi no qanûno bingeyî yê neweyî wazenî heqê ke hetê cinîyan ra ameyî qezençkerdiş, yew bi yewe destê cinîyan ra bigirî. Seba ke ma bişînbî sîstemê dagîrkerî yê camêrdî biqedênî, vatişê ‘nê’yî çîyo ke destpêk o. Cinî nîna manaya sereronayîşî. Ganî vera hepis û qedexekerdişê camêrdan de cinîyî hişyar bibî. Ganî cinîyî camêrdê ke tena bi simbêl, herîş û şorikê fekê xo reyde cinîyan ewnîyenî ra vajî nê. Hêz fîzîk de nê, aqilê merdimî de yo, seba nîşandayîşê nêyî, ganî cinîyî vajî nê.”