Vera hêriş û dagîrkerîya dewleta tirkî ya vera Başûr û Rojawanê Kurdistanî de her ke şono reaksîyonî zêde benî. Çend rojî verê Rojawan û Vakur Sûrîye ra 2 hezar ciwanan çarçewaya merhaleyê 2. yê hemleya ‘Sere Wedarne’ de hewl dayî şêrî Başûrê Kurdistanî.
Babete ser o ciwanan qisey kerd. Ciwanan ra Rûheyv Efrîne sîyasetê PDKyî şermizar kerde û wina va: “Destûrnêdayîşê PDKyî yê derbazbîyayîşê ciwanan zî nîşan dano ke hukmatê PDK û dewleta tirk pê kerdî. Ma do vera hêriş û dagîrkerîyê ke dewleta tirkî de bêveng nêmanî.”
Ciwanan ra Necla Bozane zî wina va: “Armancê rayîrşîyayîşî yewîya kurdan bi. Ma do vera heme hêrişê ke nasnameyê kurdîtîye hedef gêno de bivinderî.”
Ciwanan ra Ferhad Mustafayî zî dîyar kerd ke ê sey ciwanî ti sînor nas nêkenî.
ANHA/KOBANÊ