Cenîya bi nameya Behîce Abî ya wanij dîyar kerd ke çi heyf ke AKP serkewtişê HDPe hezm nêkerd û dergeyî da qalîkerdişê xo: “Erdogan nika ma ra çi wazeno, ma heqê xo reyde bendê weçînayîşî vîyartî û beşdarê Meclîsî bîyî. Eke hewna weçînayîş bibo do HDP hewna qezenc bikera. Ma do têkoşîn bidî ke Erdogan serek û AKP zî tena sereyê xo îqtîdar nêbo. Her roj polîsê AKPe taxê ma ra hêriş kenî û cenî û domanê ma hedef gênî. Bila semed serê ma ra guleyo raşt û bombeyê gazî veradanî.”
Hewna Hanim Acar a wanij zî ciresna ke Erdogan û AKP guya vatî ê do verbê DAIŞe de şer bikerî, la merdim ewnîyeno no vatişê înan zûr o, çimkî xo ra sey hedef şarê kurd girewtî, ê qet şewe nêeşkenî rabikewî, her şan de polîsê AKPe bila semed taxê ra bombeyê gazî erzenî û a ewleyîya domanî xo ra etîr a û Erdogan gonîya domanan reyde xo miqate keno û ê vengê aştîye danî.
Xopawitiş şert o
Suzan Bor zî bal ant ser mergê domanan û qetilbîyîşê sivîlan û wina dewam kerd: “Ma nika ser herreya xo de yenî qetilkerdiş, çimkî Erdogan û hukimata AKPe netîceya weçînayîşê 7’ê hezîrane hezm nêkerdî.”
Bor peynîya qalîkerdişê xo de qala têkoşîna xo ya hemverê nêy konseptî ver kerd û wina peynî kerd: “Ma bi serrana ke seba na herre têkoşîn danî. Ma do hemverê nînan do hewna xopawitişê xo bikerî û xoverodayîşê xo bidomnî. Rayna se beno wa bibo, ma qet waştişê aştî ra zî fek veranêdanî û ma her tim vanî aştî.”
JINHA/WAN