Rayberê Şarê Kurd Abdullah Ocalan 19 serrî yo ke binê tecrîdêko giran de yo û 11ê êlula 2016î ra nata zî ti xebere Ocalanî ra nîna girewtiş.
Nizdîyê 2 aşmî yo ke Kurdistan, Tirkîya û zaf cayanê dinya de seba weşî, ewleyî û azadîya Ocalanî çalakîyî yenî viraştiş. Nê çalakîyan ra yewe zî bajarê Strasbourgî yê Fransa de yena viraştiş.
Seke yeno zanayîş 23ê Teşrîna verêne de 63 dezgeyan vernîya CPT û Konseyê Ewropa de bi dayîşê îzehetêk çalakîyêk daybî destpêkerdiş û çalakîye roja 54. de dewam kena. Babete ser o Komîteya Organîzekerdişê Çalakîye ra Medya Botane qisey kerde.
Botane va ‘ma do derheqê çalakîya Ocalan rê azadîye de plankerdişê xo dîyar bikerî’ û wina dewam kerde: “Ma do seba nêyî îzehetêk bidî çapemenîye û ma do heme ziqaqanê Ewropa bikerî warê çalakîyê Ocalan rê azadîye. Ewro roja 53. ya çalakîye ya. Dormeyê na çalakîye de rayapêroyîyêk virazîya. Tena wedarnayîşê tecrîdî girdkerdişê xoverdayîşî yo. Ma do xoverdayîşê xo hîra bikerî. Ma nizdîbîyayîşê ke vera Rayberîya ma de benî, sey nizdîbîyayîşê vera erjanê xo vînenî. Ma do nê xoverdayîşî vilayê heme cayanê Ewropa bikerî. No het de qerar û planê ma yê muhîmî estî. Bitaybetî cinî û ciwanî û ma veng danî herkesî ke wa beşdarê xoverdayîşî bibî.”
ANF/STRASBOURG