Çarçewaya amadekarîya weçînayîşê 24ê Hezîrane de çar partîyê kurdî Tevgerê Azadî, PAK, PDK û PSKyî îzehetêko ortax dayî û seba weçînayîşê 24ê Hezîrane fikrê xo aşkere kerdî. Îzehet de ame vatiş ke ‘wa seba tura yewine ti kes raya xo nêdo Îttîfaqê Komare û Milletî’.
Partîyanê kurdan îzehet de vato ‘AKP demêko derg o derheqê heq û azadîyan de çîyêk nêkerdo û herinda ci de operasyon û mergan reyde pesnê xo dano’ û wina domna: “Vera Başûrê Kurdistanî de polîtîkayê heqaretî yenî domnayîş û Efrîn de zî bi mergê kurdan reyde pesnê xo dano. Polîtîkaya fermî ser asîmîlekerdişê şarê ma ameya awankerdiş. Cok ra ma veng danî herkesî ke, wa ti kes raya xo nêdo Erdoganî. Wa bêxera Demîrtaşî, ti kes raya xo nêdo sewbîna kesî. Ma do raya xo bidî Demîrtaşî. Ma bawer kenî ke heme endamê ma bi hesasîyetê kurd û Kurdistanî, hereket bikerî. Ma do tura dîyine de zî erjê neteweyî yê kurdan esas bigîrî û goreyê ci qerarê xo bidî.”
ANF/BRUKSEL