NEHÎR DÎCLE/VÎYAN ARTOS / ANF/BEHDÎNAN
Aşma Gulane mîyanê tevgeranê şorişger û sosyalîstan de wayîrê muhîmîyêka girde ya. Na aşme bi 1ê Gulane dest pêkena û 6ê Gulane îdamê Denîzan, 18ê Gulane Îbrahîm Kaypakkaya, Hakî Karer, Halîl Çavgun, 11ê Gulane Hozan Mizgîne û dima ra çalakîya Çaran ya Zîndanê Amedî û bi no hawa derge bena.
Cok ra na aşme hetê Tevgerê Azadîya Kurdistanî ra Aşma Şehîdan ameya îlankerdiş. Babete ser o Endamê Komîteya Şehîdan ya PKKyî Fîraz Serhedî qisey kerd. Serhedî va ‘kişta şehadetan de çalakîyê pîlî zî na aşme bîyî’ û wina domna: “Na aşme hem aşma peyêne ya wisarî ya û hem zî tebîet tewr zaf xo na aşme nîşan dano. Goreyê mi merdimî girdî bi coşê wisarî çalakîyanê xo na aşme de viraştî.”
Serhedî bale ant ser muhîmîya na aşme ser û wina va: “Îbrahîm Kaypakkayayî bi ruhêko gird çalakîye viraşt û no bi Hakî Kareran dewam kerd. No tarîxê PKKyî de bi ananeyêk. Eke PKK ewro bin her şert û şurtî de vera faşîzmî de xover dano, no bi ruhê 18ê Gulane, bi çalakîyanê Îbrahîm, Hakî û Ferhat Kurtayan ra girêdaye yo.”
Serhedî dewamê qiseykerdişê xo de wina va: “Nê çalakîyî raştîya xo de sey perspektîfî yî û ewro hîna zî nê perspektîfî derbazdar î. Ma şexsê şehîdanê 18ê Gulane de heme şehîdan vîr anî û ma do rayîrê înan de qezenç bikerî.”