Serekkomarê dewleta tirkî Tayyîp Erdogan badê ke fam kerd ke weçînayîşê 24ê Hezîrane de raya ke wazeno, nêşêno bigîro, planê şerî eşt dewre. Hukmatê Erdoganî ke Efrîn dagîr kerdo û bi aşman o ke erdê Başûrê Kurdistanî bombe keno, nika zî vera Qendîlî de qala operasyonî keno.
Babete ser o cinîyê Qendîlî ke bi felsefeya Rayberê Şarê Kurdî Abdullah Ocalanî cuya xo îdare kenî, qisey kerdî û vera vatişanê Erdoganî de reaksîyon nîşan dayî. Cinîyan dîyar kerd ke ê do destûr nêdî ke dewleta tirkî Qendîl dagîr bikero. Cinîyan ra Suveyla Resule daye zanayîş ke ê bi hawayo komunal cuya xo domnenî û wina va: “Ma do destûr nêdî ke dewleta tirkî Qendîl dagîr bikero. Zîhnîyeto ke Efrîn dagîr kerdo, nika plan keno ke nê erdan zî dagîr bikero. Rez û bexçeyanê ma bombe keno. Labelê ma nêtersenî û ma do seba erdanê xo xover bidî.”
ANF/QENDÎL