Vîrusê Koronayî pêroyina Dinya de 188 welatê ra vila bî. Hetanî nika pêroyina Dinya de 1 mîlyon û 600 hezar kesê vîrûsî ra kewtê û Tirkîya de zî nê humar nêzdî 60 hezar a. Seba xo pawitişê welatijan keyeyanê xo ra nêvejîyenê. Nê rojanê îzolasyonê sosyalî yê Vîrûsê Koronayî (Covîd-19) de derheqê averşîyayîşê ziwanê dayîke de xebatê rindî yenê kerdiş, mavajê rojnameyê kurdî derbasê weşanê dîjîtalî bîyî. Hewna hetê sazîyanê ziwanî ra bi dersê perwerdeyê dûrî ra kursê kurdkî yenî viraştiş. Akademîya Ma Musîcî zî bi şîara ‘Ma do şima bêmûzîk nêveradî’ destpê xebatê xo yê huner û kultirî kerdê. Akademî welatijan ra vengê ‘Keyeyê xo de bimanî’ da û bi konferansê vîdeoyî zî xebatê perwerdeyî yê hunerî zî domneno. Ma Musîc heskerdoxanê xo ra bi muzîkê Îranî resa û deyrbazê Ma Musîcî, kanalê xo yê Youtubeyî ser o deyrê deyrbazê Parvîz Meshkatîanî yê Xezanî ardî ziwan. MERKEZÊ XEBERAN