Polîtîkayê qirkerdişî Kurdistan de serranê 90î de vejîyaybî duştêko tewr berz. Cinî, huqûqnas, sîyasetmedar û aktîvîstê ke bîbî şahidê o wextî, vanî ‘qedexeyê tebervejyayîşî’ û OHAL nîşan danî ke eynî polîtîkayî ewro zî dewam kenî. Babete ser o Kumru Bîlena ke serranê 90î de seba ke sîstemê qorîcîtî qebûl nêkerdbî, mecbûr mendbî ke bi keyeyê xo bajarê Şirnexî ra koçê Wanî kerdbî, qisey kerde.
Bîlene va ‘dewlete bin nameyê JÎTEMî de bi fikrê dagîrkerdişî kewte erdê ma’ û qiseykerdişê xo wina domnaye: “Ewro bi eynî zîhnîyetî hêrişê Sûr, Cizîr, Şirnex û Nisêbînî kerde. O wextî JÎTEMî polîtîkayê xo bedenê cinîye ser de dayêne meşnayîş û ma o wext raştê teda, zext û îşkence ameyî. Her çiqas ke keyeyê ma ame veşnayîş zî ma qerardar bî ke dewe de bimanî. Yew şewe reyna ameyî eştî keyeyê ma ser de û ma ra vatî ‘şima keyeyê xo de PKKyîyan miqate kenî’ û keyeyê ma reya dîyine veşnayî. Ma zî mecbûr mendî ke koç bikerî. Ma senî ke verê xover da, ma do nika zî xover bidî.”
ŞÛJIN / WAN