Tevgerê Komelê Demokratîke (TEV-DEM) yê Kobanê seba ke averşîyayîşanê sîyasî yê herême bierjno, herême de kombîyayîşê şarî dayî dest pêkerdene. Tewr peynî beldeya Qenaya ya Kobanê de kombîyayîşêk ame viraştene.
Hemsereka Meclîsê Kobanê yê TEV-DEMî Eyşe Efendî, Hemserekê Meclîsê Kantonê Kobanê Mustefa Îto û xeylê welatîyî beşdarê kombîyayîşî bîyî. Kombîyayîş de Eyşe Efendîye qisey kerde. Eyşe Efendîye qiseykerdişê xo de bale ante tecrîdo giran ke Rayberê Şarê Kurdî Abdullah Ocalanî ser o yeno domnayene ser û wina va: “Dewleta tirk hewl dana bi tecrîd û hêrişan projeyê neteweya demokratîke bifetisna.”
Eyşe Efendîye dewamê qiseykerdişê xo de va ‘şerê Sûrîye derbazê merhaleyêko bîn bîyo’ û wina domnaye: “Kurdî û şarê Vakurê Sûrîye hetê leşkerî de zî hêzê xo nîşan dayî û heta ke qezencê xo bigîrî binê temînatî, ê do têkoşînê xo bidomnî. Dewleta tirkî bi şerê psîkolojîkî hewl dana mîyanê şaran de têmîyanî biveja. Ganî şarî vera plananê dewleta tirkî de bitedbîr bibî.”
ANHA / KOBANÊ