Têgêryîşê peyîne ke semedê şarê kurdî mîladêke yo enî 16 serrê peyînan ra heta nika mîyanê komployêke bêbexte de derbas beno. Emsar 16 serrî serê komploya lîşina mîyanneteweyî ra derbas bi. Komploya 15’yê Sibate ke bi destê dewletê kapîtalîsan, dagirkeran û heta bi hetkariya dewletê feqîran şexsê Rayver Apoyî de şarê kurdî ser amî viraştişî û 16 serrî yo ke bi heme bêhiqûqî, bêheqî û bêînsafîya xo domêna ro hêvîya şarê kurdî ya ke bi hêza înan bêro pûçkerdişî.
Destcikerdişê komplo ra bigî heta roca ma ya eyroyîne Rayverê şarê kurdî bi heme qiwetê xo mîyanê xebata çerserkerdişê persgirêka kurdan û çareserîya demokratîk û aştî de yo. Qet rocêke zî şert û mercê zehmetî ke tede yo nêardê xo vîr û bê vindertiş xebatê çareserkerdişî domneno. Xo ra destkewtiş û îmkanê ke eyro roc hetê siyasî ser kewtê şarê kurdî dest debrê aye xebate yê.
Narey ger şarê ma bi girû û verpersiyarîya xo tê bigeyro lazim o semedê pûçkerdişê komplo çi lazim o bi ca bîyaro. Ma nanîkê vînenê ke heta destê hikumatê AKP’î ra yeno wazeno kurdan bieweqno û bi dîtişê firsendêke qicî komplo bi sere bero. Gere ma enî persî xo ra bikerê; ‘Ma go key komplo pûç vecê? Ma go key Rayverê xo azad û mîyanê şarê xo de bivînê?’ Verpersê enî hurdî persan girêdayeyê xebat û cidîyetê ma yo.
Ma çiqas cidî bixebetyê ma go endeyke leze netîce bigîrê. Helbet a xebate tenê nêkona serê milê şarê kurdî. Xo ra eke însanê ke vanê ma wayîrê aqilî yê zehf rehet eşkenê bivînê ke rayîr o ke Rayverê şarê kurdî dano dewlete ver semedê heme şaranê ke serê ena axe de cuyênê faydeyê xo zehf o. Loma bi qasê kurdan lazim o heme şarê ke serê ena axe de cuyênê semedê azadîya Rayverê şarê kurdî bixebetîyê. Azadîya ey azadîya heme şaranê Kurdistanî, Tirkiye heta yê heme şaranê Rojhilatê Mîyanîn a.
Azadîya ey aştî amyayîşê serê axa ma û heme Rojhilatê Mîyanîne yo. Azadîya ey berzbîyayîşê zanyarî, îlim û merdimahî ya. Azadîya ey bi ca amyayîşê têduştîye mîyanê heme şaran o. Azadîya Rayverê Karê Kurd gurûyê serê milê heme merdimanê ke vanê ma merdimê yo. Ger ma nêwazenê hemverê tarîxe sûcdar vecîyê lazim o ke gurûyo ke eka kono ma ser ma bi ca bîyarê. Eno têgeyrayîş eyro roc lazim o, ne ke siba. Eyro roc eke hema zî Rayverê ma girote yo ma rê şermê ke yo. Lazim o ke ma enî awayî ena saete ra tepya qebûl nêkerê û semedê azadkerdişê Rayverê xo çi lazim bo ma bikerê.
Nesrîn NAVDAR