Komîteya Caardişî ya PKKyî eşkerayîya xo de vato ‘ganî ma pîrozkerdişanê 1ê Gulane û hemleya ke vera tecrîdî de dîyaya destpêkerdene bikerî yew’ û wina dewam kerdo: “Ma veng danê heme şarê xo ke wa her cayo ke tede yê beyraqa 1ê Gulane berz kerê, bi hawayêkê xurtî tewrê pîrozkerdişanê 1ê Gulane bibê.”
Komîteya Caardişî ya PKKyî bi wesîleya 1ê Gulane eşkerayîyêka nuştekîye weşanaye. Komîteye vato ‘Ma şexsê şehîdanê Taksîmî yê 1ê Gulana 1977î û fermandarê ma yo gerîla yo şehîd hemra Ramazan Kaplanî de, heme şehîdanê xo yê 1ê Gulane bi rêz û minet bi vîr anê, sozê xo dibare kenê ke ma do amancê înan bica bîyarê û vîrardişê înan rê wayîr vejîyê’.
Dewamê eşkerayî de wina ameyo vatene: “Bêguman utopyaya sosyalîzmî tewr zêde rastîya 1ê Gulane de xo ramojnena. 1ê Gulane seba azadî, seypêyîya zayendî, parekerdişê komunalî û paştdayîşî bîyo merkez û ruhê têkoşînî. Sosyalîzm rastîya ganeyan îfade keno. Naye ra tu hêrişê modernîteya kapîtalîste nêeşkeno nê ruhê 1ê Gulane zehîf bikero, nêeşkeno mana û muhîmîya 1ê Gulane hetê şaranê bindestan de kemî bikero. Eksê ci de, têvetiş, ruhê têkoşînî, paştdayîş û yewîya 1ê Gulane rayîrê averşîyayîşê têkoşînê azadîye û demokrasîyî akenê.”
Alternatîfo tekane sosyalîzmo demokratîk o
Komîteye eşkerayî de vato ‘ganî teorîya Modernîteya Demokratîke bêro munaqeşekerdene û no zaf muhîm o’ û wina domnayo: “Esas bêro girewtene ke hetê Rayber Abdullah Ocalanî ra ameya afirnayene û rayîrê têkoşînî yê xelasîya bindestan kena roşin. Nê bingeyî ser o ma veng danê heme hêzanê sosyalîstan ke bivînê sosyalîzmo demokratîk bi wesîteyanê îqtîdarî yê dewlete awan nêbeno, bingeyê cimatê demokratîkî ke xo seperneno azadîya cinî û ekolojîya cimatkîye ser o sey partî û têgêrayîş têkoşîn bidê. Kapîtalîzm yeno manaya krîz, kaos, kolonyalîzm û şerî. Alternatîfo tekane yo ke merdimîye zereyê şerî, kolonyalîzmî û zextan ra xilas bikero sosyalîzmo demokratîk o.”
Ganî pîrozkerdişî vera tecrîdî de bibî yew
Komîteye qala tecrîdo ke Rayberê Şarê Kurdî Abdullah Ocalanî ser o yeno domnayene kerdo û wina vato: “Ma sey Tevgerê PKKyî seba bicaardişê nê hetê şorişî yê Kurdistanî û vilakerdişê ci yê herême bi heme hêzê xo têkoşîn danî. Ma bi hemleya xoverdayîşî ya ‘Ma tecrîdî biqedînê, faşîzmî birijnê û Kurdistanî azad bikerê’ kewenê 1ê Gulane. Ma ruhê têkoşînî, paştdayîşî û yewîye yê 1ê Gulane û hemleya xo ya xoverdayîşî ya hemverê tecrîdî kenê yew. Bi rayîrê nê têkoşînî yê şar û gerîlayî, heta bi Xoverdayîşê Grevê Vêşanîye yo Pîl o ke bi serkêşîya Hemsereka KCDyî Leyla Guvene yeno rayraberdene, ma her metodê têkoşînê goreyê ca û wextê ci bica anê. Bi rayîrê nê têkoşînî faşîzmê AKP-MHPyî ver bi binkewtişî şino û no zî ramojneno ke ma do wextêkê kilmî de peynîya tecrîdî bîyarê.”
Komîteye peynîya eşkerayî de wina vato: “Nê bingeyî ser o ma şehîdanê 1ê Gulane reyna bi rêzdarî bi vîr anê, 1ê Gulane yê şarê xo yê welatperwerî û kedkaranê dinya pîroz kenê û veng danê şarê xo ke her cayo ke tede yê beyraqa 1ê Gulane berz kerê, bi hawayêkê xurtî tewrê pîrozkerdişanê 1ê Gulane bibê, pîrozkerdişanê 1ê Gulane û hemleya vera tecrîdî de bikerê yew, heme wareyî bikerê wareyê yewîye, paştdayîş û têkoşînî.” n ANF / BRUKSEL
Ma her ca bikerê wareyê têkoşînî
Komîteya Caardişî ya PKKyî eşkerayîya xo de vato ‘ganî ma pîrozkerdişanê 1ê Gulane û hemleya ke vera tecrîdî de dîyaya destpêkerdene bikerî yew’ û wina dewam kerdo: “Ma veng danê heme şarê xo ke wa her cayo ke tede yê beyraqa 1ê Gulane berz kerê, bi hawayêkê xurtî tewrê pîrozkerdişanê 1ê Gulane bibê.”
Komîteya Caardişî ya PKKyî bi wesîleya 1ê Gulane eşkerayîyêka nuştekîye weşanaye. Komîteye vato ‘Ma şexsê şehîdanê Taksîmî yê 1ê Gulana 1977î û fermandarê ma yo gerîla yo şehîd hemra Ramazan Kaplanî de, heme şehîdanê xo yê 1ê Gulane bi rêz û minet bi vîr anê, sozê xo dibare kenê ke ma do amancê înan bica bîyarê û vîrardişê înan rê wayîr vejîyê’.
Dewamê eşkerayî de wina ameyo vatene: “Bêguman utopyaya sosyalîzmî tewr zêde rastîya 1ê Gulane de xo ramojnena. 1ê Gulane seba azadî, seypêyîya zayendî, parekerdişê komunalî û paştdayîşî bîyo merkez û ruhê têkoşînî. Sosyalîzm rastîya ganeyan îfade keno. Naye ra tu hêrişê modernîteya kapîtalîste nêeşkeno nê ruhê 1ê Gulane zehîf bikero, nêeşkeno mana û muhîmîya 1ê Gulane hetê şaranê bindestan de kemî bikero. Eksê ci de, têvetiş, ruhê têkoşînî, paştdayîş û yewîya 1ê Gulane rayîrê averşîyayîşê têkoşînê azadîye û demokrasîyî akenê.”
Alternatîfo tekane sosyalîzmo demokratîk o
Komîteye eşkerayî de vato ‘ganî teorîya Modernîteya Demokratîke bêro munaqeşekerdene û no zaf muhîm o’ û wina domnayo: “Esas bêro girewtene ke hetê Rayber Abdullah Ocalanî ra ameya afirnayene û rayîrê têkoşînî yê xelasîya bindestan kena roşin. Nê bingeyî ser o ma veng danê heme hêzanê sosyalîstan ke bivînê sosyalîzmo demokratîk bi wesîteyanê îqtîdarî yê dewlete awan nêbeno, bingeyê cimatê demokratîkî ke xo seperneno azadîya cinî û ekolojîya cimatkîye ser o sey partî û têgêrayîş têkoşîn bidê. Kapîtalîzm yeno manaya krîz, kaos, kolonyalîzm û şerî. Alternatîfo tekane yo ke merdimîye zereyê şerî, kolonyalîzmî û zextan ra xilas bikero sosyalîzmo demokratîk o.”
Ganî pîrozkerdişî vera tecrîdî de bibî yew
Komîteye qala tecrîdo ke Rayberê Şarê Kurdî Abdullah Ocalanî ser o yeno domnayene kerdo û wina vato: “Ma sey Tevgerê PKKyî seba bicaardişê nê hetê şorişî yê Kurdistanî û vilakerdişê ci yê herême bi heme hêzê xo têkoşîn danî. Ma bi hemleya xoverdayîşî ya ‘Ma tecrîdî biqedînê, faşîzmî birijnê û Kurdistanî azad bikerê’ kewenê 1ê Gulane. Ma ruhê têkoşînî, paştdayîşî û yewîye yê 1ê Gulane û hemleya xo ya xoverdayîşî ya hemverê tecrîdî kenê yew. Bi rayîrê nê têkoşînî yê şar û gerîlayî, heta bi Xoverdayîşê Grevê Vêşanîye yo Pîl o ke bi serkêşîya Hemsereka KCDyî Leyla Guvene yeno rayraberdene, ma her metodê têkoşînê goreyê ca û wextê ci bica anê. Bi rayîrê nê têkoşînî faşîzmê AKP-MHPyî ver bi binkewtişî şino û no zî ramojneno ke ma do wextêkê kilmî de peynîya tecrîdî bîyarê.”
Komîteye peynîya eşkerayî de wina vato: “Nê bingeyî ser o ma şehîdanê 1ê Gulane reyna bi rêzdarî bi vîr anê, 1ê Gulane yê şarê xo yê welatperwerî û kedkaranê dinya pîroz kenê û veng danê şarê xo ke her cayo ke tede yê beyraqa 1ê Gulane berz kerê, bi hawayêkê xurtî tewrê pîrozkerdişanê 1ê Gulane bibê, pîrozkerdişanê 1ê Gulane û hemleya vera tecrîdî de bikerê yew, heme wareyî bikerê wareyê yewîye, paştdayîş û têkoşînî.” n ANF / BRUKSEL