Hemserekê MEBYA-DERî vatî ke nika ê dest pê xebata tesbîtê malbatan kerdê wina vatî: “Ma seba tesbîtê malbatan keye bi keye gêrayê, resayê malbatê xo û ma xizmetkarê malbatanê xo yê.”

LÊL AMED / AMED

Ronîyayişê dewleta tirkî ra nika erjeyayê şarê kurdî ra hêrişê domyenê. Demê pêkewtişî gerîyalê ke cuya xo danê, laşê înan ra ezîyetê ke mîsalê ci çinyo yenî kerdiş. Bi îdiaya tesbîtê DNAyî malbatan ra îşkence yena kerdiş. Çi heyfo ke demo ke malbatî cenazeyê xo gênî, vînenê ke laşê domananê înan parçe bi parçe ameyo kerdiş.

Ra ra yew goristan de 3 laşê ra aîd cenaze vejîyenê. Hêzên sîstemî, cenazeyan bê tesbîtê DNAyî goristanê bêkesî ra defîn kenê. Seba ke malbatan ra bi sistematik îşkence bikê cenazeyan ra bi rûmetî kenê, destûr nêdanê ke malbatî bi rehetî beşdarê defnê domananê xo bibê û her tim malbatan ra gef wanenê. Taybetî destûr nêdanê ke temsîlkarê sazî û partîyê kurdî beşdarê cenazeyan bibê. Na babete ser o rojnameyê ma ra Hemserekê MEBYA-DERî Yuksel Almas û Şeyhmus Karadag qise kerdê.

Ê verdewamîya MEYA-DERî yê

   

Hemsereka MEBYA-DERî Yuksel Almas vat ke Hedîseyê 15 Temmuze ra pey OHAL ame îlan kerdiş, sey sazîyê kurdî yê bîn komela înan ê MEYA-DER zî ame qefelnayiş û wina vat: “Nêzdî 3 serrî sazîyêkê seba şehîdê malbatan nêame ronîyayiş la malbatê ke domanê înan pêkewtişî de cuya xo dayê, ma ra hetkarî waştî, ma hetkarîya xo înan kerd. Ma bi nameyê MEBYA-DERî verdewamîya MEYA-DERî awan kerd. MEBYA-DERî ra pey ma çiqas kêmanîyê ma bibî zî ma hetkarîyê xo malbatê xo ra domna. Ma seba hetkarî malbatanê xo ziyaret kerdê, vera heme astengîyê sîstemî ma xebatê xo domnenê. Komela ma ra girêda zaf hûmarî de temsîlkarîyê ma estê, teberê Amedî, Êlih, Îzmîr, Edene, Stenbol û Mêrdîn de komela ma estê û xizmetê malbatê xo ra ma hadre yê.”

 

Temsîlkarê xo dîyar kenê

   

Hemserekê MEBYA-DERî Şeyhmus Karadag zî aşkera kerd ke peynîya ronîyayişê MEBYA-DERî ê verê xo ra xebatêke zey zîyaretê malbatan ronayê û wina domna: “Seba ke 3 serrî sazîya ma girewte bî, no ser mîyanê ma û malbatan ra serdî  kewtbî. No ser ma zî dest pê xebata tesbîtê malbatan kerd. Ma seba tesbîtê papol bi papol, kuçe bi kuçe, keye bi keye gêrayê û resayê malbatê xo. Beno ke ma nêeşkîyayî biresê heme malbatanê xo, nika nêzdî 5500 malbatê şehîdî Amed de estê. Zîyaretkerdişê malbatan hema zî domyeno, çimkî armancê ma yê yewine rêxistinkerdişê malbatê xo yo. Seba ci zî demo ke zîyaretê ma biqedê, do ma yew bi yew kuçe û qezayan de temsîlkarê xo dîyar bikê.”

Waştişê malbatan ma înan tena vera nêdê yo

Hemserekê MEBYA-DERî Karadag dîyar kerd ke ê peynîya ziyaretê malbatan do ê raporêk hadre bikê û wina dewam kerd: “Nika xebata ma sereke zîyaretê malbatan o. Kurdistan de nika şerêko leymin domyeno, no şer hem bandorê malbatê şehîdan hem zî heme malbatê Kurdistanî keno. Şer de malbatî ameyê koçkerdiş, keyeyanê înan ameyê werankerdiş. Ma misal bidê weranîya Sûrî, malbatê nêçare koç kerdî, ekonîmîya înan heme têk şî. Demo ke ma malbatê xo ziyaret kenê zaf bi kêfweş benê û çimê înan ra roşn keweno. Waştişê înan sereke wazenê ma şîrê înan bipersê, tena vera nêdê û çayêke înan bişimî. Ma do xebatê xo hîna bi qewet bikê û serkewtişêk bêro. Zilmê dişmenî zî do ma bişiknê. Ma do her tim xizmetê şehîdanê xo bibê.”