YASÎN KOBULAN
MA / STENBOL
Rojnameyê Yenî Yaşamî ke çend rojî verê dest bi weşanî kerd û xeta azadîwaştox û demokrasî esas gêno, raştê eleqeyêko gird ame. Babete ser o Derhênerê Pêroyî yê Yenî Yaşamî Çagdaş Kaplanî qisey kerd û qala rewşa çapemenîye kerd.
Kaplanî dîyar kerd ke prosesêko winasî ke çapemenîye ser o zextê girdî estî, îqtîdar heme çapemenîye girewta binê hakîmîya xo û heqê xebergirewtişê şarî ameyo çinîkerdiş de çîyo ke keweno ser milê ma rojnamegeran o yo ke ganî ma barîkat û astengîyan derbaz bikerî û xeberan biresnî şarî.
Kaplanî va ‘Rojnameyê Yenî Yaşamî na lazimîye ser o abi’ û wina domna: “Ma medyayêka muxalîfe yî. Wexto ke ma ekrananê televîzyonan ra ewnîyenî, tena ca dîyeno bloqêk û propogandaya ê bloqî yena kerdiş. Ma do xîtabê heme hetan bikerî û no het de îdîayêka ma esta. Ma dinyaya çapemenîye de gama neweyî ya cuya neweyî erzenî. Ma seba cuya azade kewtî rayîr. Cok ra ma ti ra va cuya newe.”
Ma do pîya gird bikerî
Kaplanî ca da polîtîkaya weşanî ya rojnameyî û wina va: “Çîyê ke erjê înan yê xebere estî, do rîpelanê ma de ca bigîrî. Nika kadroyêka hîra ya nuştoxanê ma esta. Heme dînamîkê komelî rîpelanê ma de ca gênî. Kêmaneyê ma zî estî û ma do înan derbaz bikerî. Ma do bibî vengê hetê ke vengê înan ameyo birnayîş. Nika eleqeyêko gird esto. Tayê kesî ma ra vatî ‘şima kura de mendî?’. Wendoxî wina kerdî ke telefonê ma nêvindetî. Ma nika hewl danî xo biresnî heme hetan. Ma do pîya gird bikerî.”