Parlementera Avusturalya Alev Korune ke ser nameyê Meclîsê Parlementeran yê Konseyê Ewropa (AKPM) ra beşdarê muşahidîya referandûmê Tirkîya bîye dîyar kerde ke netîceyê referandûmî şikin o.
Korune vist vîrî ke weçînayîş ra 3 rojî ver heyetê înan şi Anqara û wina dewam kerde: “Ma ewja de pispor, grûbê meclîsî, partî, rêxistinê sîvîlî û endamanê çapemenîye reyde pêvînayîş kerd. Roja referandûmî de heyet kom bi kome xeylê bajaran ser de vila bî.”
Rewşa OHALî
Korune dewamê qiseykerdişê xo de wina va: “Koma ke şîye Amedî va ‘fekê berê mekteban ra bigîre heta zereyê sinifan, xeylê polîsê sîlehinî û wesayîtê zirxinî estbî. Her çiqas ke ma nasnameyê xo yê muşahidî nîşanê înan da, reyna zî ma nêgirîyayî zere’. Ma bîyî şahidê xeylê neheqîyan û ma înan rapor de nuşt. Referandûm bin şert û mercê demokratîkan de nêame kerdiş. Îmkanê seyyewbînanî nêdîyayî di hetan û zanayîşê bêhetî nêdîyayî şaran. Referandûm rewşa OHALî de ame kerdiş."
Rêz nîşan danî
Korune wina qedênaye: “Yewîya Ewropa û Amerîka reaksîyonan ra ver paweyê aşkerakerdişê raporê AGÎTî yî. Her kes rêz nîşanê AGÎTî dano û bawerîya xo bi AGÎTî ano. Ma prosesê Tirkîya nizdî ra taqîp kenî û no het de şikê ma estî."
ANF/VÎYANA