Nînan ra yew zî Namzeda Wekîlî HDPe ya Herema 1’in a Stenbolî Kubra Meltem Mollaoglu bî. Namzeda Wekîlî ya HDPe ya Stenbolî Serpîl Kemalbay derheqê Kubraye de qalîkerd.
Hêvîyê ya bombe bîy
Serpîl Kemalbay dergeyîya qalîkerdişê xo de ciresna ke mîtînga aştîye semedê ke şarê rojawanî vengê Kurdistanî berz bikerî, amey kerdiş û wina domna: “10’ê Citmenge de êy ke amey bombekerdiş, Serpîl nêy, hêvîyê ya bîy. Xebatê weçînayîşî de qasê namzedekî zaf xebetyaynê. Wexto ke min seh kerd ke ya namzed a, ez zaf kêfweş bîya. Semedê ke ma do pê reyde bixebetyaynê ma zaf bi heycan bî. Kubra zaf kedkar û jêhatî bî.”
Ma do serbikewî
Serpîl qalîkerdişê xo de bal ant ser serkewtişî û qalîkerdişê xo wina peynî kerd: “Kubra semedê ke dinyayeke tede cenî û camêrdî seyyewbînan bibî, xo rayvist kerdênê. Têkoşîna Kubraye, têkoşîna cenîyan a azadîye ya. Wa qesrî înan rê bibo, labelê papoleyî yê ma yî. Ma papolan nêteriknenî. Êdî xeyal û hêvîyê Kubraye ma do bikirişî ameyoxî ra. Nînan ra sozê ma est o, ma do serbikewî.”
JINHA/STENBOL