HAMDULLAH KESEN / MA/HATAY
Havva Zor çarçiweya xopawitişê de merdeyê xo Mîkaîl Zorî kişt, çimkî Mîkaîl Zor hem Havva Zore ra hem zî domanan ra bi sistematîk îşkence kerdinê, hetta Mîkaîl zor kêna a tacîz kerdo. Serra 2019î demê roniştişê doze Havva Zore sifte 18 serrê ceza ame dayiş, peynî zî bi kêmkerdişê ‘Tahrîko bê nêheq’ 15 serrê ceza ame dayiş.
Avûkata ci dosyaya a erşawita Dadgeha Îstîfnafî la belê Îstîfnaf seba ke tesdîq kerdo no ser na ra dosya a erşawita Dadgeha Berzî (Yargitayî) ra. Havva Zor bi avûkata xo Hepisxaneyê Tîpa T yê Îskenderunî ra qise kerd.
Havva Zor vat ke Antakya de maya xo ra bîya, pîyê a, hîna domanîye de înan ra fek veradayo û wina vat: “Xo ra ez zevejîya xo yewin de bêbextîyar bîya, na zî zewejîya min a diyine bî. Mîkaîl hîna roja zewejîya yewine ra dest pê şuxilnayişê şîdetî kerd, her tim domanê min ra heqeret kerdinî.”
Zor destnîşan kerd ke merdeyê ci kêna a tacîz kerdo û wîna qedîna: “Ez mecbur menda ke bikişa la pişman a. Cenîyan min tena veranêdayê, no zî min ra qewet da. Avûkata min her tim hetê domananê min de ya. Çi heyfo ke çapemenîya de dirîye esta. Eke ez bimrayne bivatîne ‘Namus pank bî’ la seba ke ez kişta vanî ‘Wehşet’ la ez û paşdayişê cenîyan qezenc kerd. Ez wazena 8ê Adare de ma heme cenîye bêrî têhet û ma yewbînan ra qewet bidê.”