Ma sînoran zerrî û mezgê xo ra veto

Polîtîkayê AKP û hêzê dagîrkeran Rojawan û Vakurê Sûrîye ser de dewam keno. Dewleta tirk Kantonê Kobanê de dewa Bûbanê de reyna dest bi viraştişê dêsê şermî kerdo.Babete ser o cinîyê dewa Bûbanê ya Kantonê Kobanê qisey kerdî.  Cinîyan ra Hacîre Şêxo va ‘çend rojî yo ke dewleta tirk reyna dest bi viraştişê dêsî kerda’ û wina domnaye: “Hedefê dêsî Rojawan û Vakurê Kurdistanî yewbînan ra cîya bikero. Ê nêeşkenî bi no hawa ma teslîm bigirî. Ma bi hezaran laj û kênayanê xo seba nê erdî şehît da. Ma êdî sînoran mezg û zerrîya xo ra veto.”

Ma şermezar kenî 

Zeynep Bozane zî vera dêsî de reaksîyonê xo nîşan daye û wina va: “Dewleta tirk daranê ma yê ke ma bi serran o ke keda xo ronayî, birnena û herinda înan de dês virazena. Ê nêeşkenî bi nê polîtîkayan netîce bigirî. Wa êdî bizanî ke kurdî na cografya de bihêz î. Do peynîya peynî serkewtiş yê kurdan bibo. Dewleta tirk hende sînorê dergî ronayî zî do binkewa.”   

 ŞÛJIN / KOBANÊ