Di Parîsa Fransaye, şaristanê Stuttgart û Freîburga Almanyaye merasîman amey viraştiş. Di raşteyê Azadî ya Stuttgarta Almanyaye de merasîm ame viraştiş û di merasîme de temsîlkara Însîyatîfê Cenîya Kurd Sabîha Koç qise kerd. Koç vat ke: “Ma ra mîrasê înan a wayîrvejîyayiş keweno. Înan seba azadîyê ma têkoşîn dayê, înan seba felsefeyê Rayverê Şarê Kurd Abdullah Ocalan cuyayişê xo day. Ma do bi têkoşîna xo xoverodayişê înan aver berî.”
Hewna dayika Têkoşêr Kekoyê, Hatun Boztosun zî vat ke lajê a di têkoşîna Azadîya Kurd de şehîd kewto, çi heyfo ke hema zî estê lajê a destê înan de nîyo û heme şehîdê Kurdistan bê merg ê.
Wayîrê şehîdî Hayrî Uludag zî aşkera kerd ke ey lajê xo reyde zey embaz bîyo, hîna lajê ey şehîd nêkewt bîyo, ey lajê xo reyde pêvînayiş kerdo, lajê ey peynîya tepiştişê Rayverê Şarê Kurd Abdullah Ocalan beşdarê Tevgera Azad bîyo.
ŞÎ KOBANÊ
Kekoyê Zinar Dêrsime, Îbrahîm Îsmaîl Dulek zî ciresna ke birayê seba ey zey yew embaz bîyo û wina vat: “Birayê min 18 serrayê xo de beşdarê Tevgera Azad bi la belê peyî kewt zîndane. Peynîya vejîyayişê zîndane birayê min şî beşdarê xoverodayişê Kobanê bi. Birayê min, keseke biryardar bi û di kesayetê ey de Kobanê silomnena. Çimkî hêzê Kobanê bi têkoşîna xo zerrîyê çeteyê DAIŞ ra tersî ronay. Ê di çimê ma de nika bêmerg ê.”
Di merasîm de temsîlkarê MLKP zî qise kerd. Temsîlkar di qise xo de bal ont ser xoverodayişê Paramaz Kizilbaş ê û wina vat: “Embazê Paramaz nê kurd nê zî elewî bi la seba rûmeta merdimatê di Kobanê de şehîd kewt. Ma verê ey de çewt benî, her biciwî paştîdayişê şorişgeran.”
STUTTGART