Demê peyênan de xeylê kesî netîceyê pirodayîşê wesayîtanê zirxinan de ameyî qetilkerdiş. Berfîna 7 serreyî ra heta Hakano 5 serreyî, Pakîzeya 80 serreyî ra heta Fîkrîyo 53 serreyî û sewbîna zaf kesî. Tena 6 aşmanê OHALî de hema vaje heme cayanê Kurdistanî de netîceyê pirodayîşê wesayîtanê zirxinan de merdimî ameyî qetilkerdiş. Hîkayeya cinîya bi nameyê Turkîye Alparslane zî serra 1994î de wexto ke şîyêne pêvînayîşê zîndanî bi wesayîtê zirxinî ameye qetilkerdiş.
Wextê şîyayîşî de Turkîye wazena tay boya xo bida û cayêk de ronîşena. O wext panzerêk bena sebebê mergê Turkîye. O wext tayê kesî hedîse vînenî, labelê tersenî ke şahidî bikerî. Wexto ke mêrdeyê ci Bakî hedîse eşnaweno, seba ke şofêrê panzerî bêro mehkemekerdiş, waştişname nuseno. Bakîyî va ‘Serranê 90î de herkes nêewtanayêne ke şahidî bikero’ û wina domna: “Doze 8 serran dewam kerde û badê ke netîce nêame girewtiş, ma muracatê Mehkemeya Heqê Merdiman ya Ewropa kerd.”
Serê hedîseyî yeno padayîş
Keso ke panzerî rameno rê verê cû 6 aşmî ceza dîyena, labelê dima ra cezaya pereyî yena dayîş. Wexto ke keyeyê heqê gonîye qebul nêkenî û muracatê AÎHMî kenî, o zî bi netîceyê cezaya pereyî netîce bena.
MÊRDÎN