Qezaya Mamakî ya Anqara de Caddeyê 1577/1î de bin nameyê vurîyayîşê bajarvanî de rijnayîş yeno kerdiş. Rijnayîşo ke Mamak de beno, tena bi nêyî sînordar nêmend û varîlê ke pirrê eşteyê kîmyewî bîy saetanê şewe ronîyayî caddeyî ke sey warê înşaatî yo.
Şaredarîye seba nê varîlê ke nîno zanayîş ke hetê kamî ra ameyî ronayîş de çîyêk nêkena û ti tedbîrê ewleyîye nêgêna. Nê varîlî mîyanê roje de bi germîya hewayî, hîna zaf benî tehlukeyin.
Taxa Mamakî ya tarîxî ke bi serran o tede welatperwer, kedkar û şorişgerî cuyenî, girêdayeyê Şaredarîya Altundagî ya. Hetê xebatkaranê şaredarîye ra pakîya taxe nîna kerdiş. Varîlê ke tehlukeyin î û cadde de ameyî ronayîş, tewr zêde tesîrê xo yo negatîf domananê taxe ser de kenî.
ANQARA