Sey ke yeno zanayîş bi Qerarnameyê Hukmê Qanûnî xeylê karmend, karker, akademîsyen û mamostayî gureyê xo ra ameybî îxraçkerdiş. Xeylê kesê ke ameyî îxraçkerdiş erzîyayî hepisxaneyan, yê ke teber de mendî zî gureyê cîya-cîyayan de dest bi kar kerdî. Înan ra yewe zî mamosta Tamer Yîkîto ke Igdir de 12 serrî mamostatî kerd û îxraçbîyayîşê xo ra dima gozêran resneno.Babete ser o Tamer Yîkîto (37) ke dormeyê Koyê Agirî de gozêran resneno, qisey kerd.Yîkîtî qiseykerdişê xo de va ‘nika ez dewa Yenîdoganê qezaya Aralikî de cuyena’û wina dewam kerd: “Ez 10 donim erd ser de gozêran resnena. Ez tebîet û resnayîşê gozêran ra zaf kêfweş a. Ez wextê îxraçbîyayîşê xo de xeylê hîsin bîya. Çimkî wendekarê mi sey domanê mi bîy. Ez bi saya hêgayê gozêran stresê xo erzena.”
Doman û gozêrî
Yîkîtî dewamê qiseykerdişê xo de va ‘alternatîfê cuye zaf î, la ma ferq nêkenî’ û wina qedêna: “Mi alternatîfê xo awan kerd û tebîet mi rê bî omid. Resnayîşê daran û domanan yewbînan ra cîya nîyo. Ez resnayîşê darê gozêran de domanan esas gêna. Ez bi omid û heskerdişê domanan nizdîyê daran bena û mi xeylê feydeyê nêyî dî.”
BERÎVAN KARATAŞ DÎHABER / ÎDIR