Nê 2 aşmake çeteyê DAIŞê ser Kobanê hêriş kenî, verba nê hêrişan zî bi hezaran kobanêyijî koçê sewbî parçeyê Kurdistanî kerdî. Malbatê Alîşarî, dewa Alîşar Kobanê ra dewa Qopa Pirsûse koç kerdî û nika domananê kobanêyijî bi coş û heycan girewtişê perwerdeyî kurdî pawiyenî.
Şansê domananê dewa Alîşerî zî mamosteya kurdî Cehîde Muhammed a, Muhammed di sazîya ziwanê ya Şehîd Vîyan ra perwerdeyê kurdî girewta la seba perwerdeyî tena kêmasî materyalê perwerdeyî yê.
MATERYAL LAZIM O
Mamosteya kurdî Cehîde Muhammed malbata xo dir verba hêrişê çeteyê DAIŞî nêçare koçê dewa Qopa Pirsûse kerd. Cehîde di sazîya ziwanî ya Şehîd Vîyan de destpê perwerdeyê kurdî kerd û nika Cahîde wazena domananê dewa Alîşerî ra perwerdeyê kurdî bido.
Cehîde dayişê perwerdeyî ser vat ke ê eşkenî heme warê, warê perwerdeyî ra biaçarnî û perwerdeyî domanan bidomnî û wina vat: “Tena di na babete de kêmasî ma materyalê perwerdeyî yo û no ser zî sazîyê zonê kurd ma ra hetkarî bidî. Ez eşkena di noca de perwerde bida la ganîyo ke materyalê perwerde bêro verbakerdiş. Ma qet çewra warê perwerde û banê nêwazenî. Ma di kura de bibo se bibo do ma perwerdeyî xo bikerî, tena ma nêwazenê perwerdeyî domanan nêmcet nêmano. Ma wazenê ziwanê xo kurdî bizanî û di na babete de zî her kes hîsgêr têbigerî.”
ZONÊ YPG WAZENA
Domananê kobanêyijî dorûverê mamoste Cehîde kom bîyê bi coş û heycanî roje perwerdeyî pawiyenî. Waya mamoste Cehîde, Leyla zî perwerde pawiyena û vana ke; ‘a zî wazena şîra dibistane la di noca de îmkanê înan çin o. Ganî meteryalan bêro eşrawitiş û ma zî bi lezî perwerdeyî ra destpê bikerî.’ 12 serra Berfîn Abdo zî aşkera kerd ke ey hetanê nika perwerdeyê erebî girewto, êdî perwerdeyî kurdî wazeno, ney zî bi zonê YPG/YPJ wazeno û wina vat: “Ez wazena şîra dibistane û bê perwerde nêwazena bimano.”
Nika wendekar û mamoste sazîyê zonê ra meteryalê perwerdeyî pawiyenî.
RIHA