Pêroyina Dinya û Tirkîya de vilabîyayişê Vîrûsê Koronayî ser o qiymetê maske û lepikî zêdîya. Nika resayişê maskeyî zî zaf bi zehmet o. Ganî merdim seba pawiyayişê xo sifte ganî keyeyê xo de bimano, eke mecburo keyeyê xo ra bivejo no dem zî ganî xo qalabalixî bipawo, no ser zî ganîyo ke maskeyê ci bibo.
Viraştişê maskeyê bêteknolojîkî keye de zahmet nîyo, kelmelê basît tena avzel ê, nê kelmel zî xo ra keyeyê her kesî de estê. Kelmelê maskeyî rê tîşortêk, çapûtêk, xewlîyêk ya zî destmala bi alkol bibo bes o, lastîk zî ganî yo. Dîyayişê nê kelmelê zaf bi basît o, ganîyo ke merdim xo cayê qalabalixê ra bipawo, no zî encax bi maskeyî beno.
Viraştişê maskeyî
Qumaşo çargoşeyî, ma di kenarê ci ra gênê qet kenê, peynî hewna qetêk kenê, bi qetkerdişî qumaşê ma beno çar qet. Peynî zî di kinarê maskeyê xo ra, ma lastîk elaqnenê, qumaşê ke teberê lastîkî mendî, ma zereyî ra hewna qet kenê. Êdî maskeyê ma hedra yo, lastîkan ma goşanê xo ra vîyarnenê û êdî ma şuxilnenê, armancê ma, xo vîrûsî ra pawiyayiş o. MERKEZÊ XEBERAN