Hukûmata AKPî bin banê Herîşê Qirkerdişê Sîyasî (KCK) de encama kan ya şaredarîya Dêrsimî Nuray Atmaca zî tepiştbi û zey hezarankesanestbi zîndanî. Maya Atmacayî Yemoş Atmaca qisey xo de ard ziwan ke kena ay 2011 de ameya binçimkerdiş û wina dewam kerd: “Erdogan televîzyonan de qîreno vano do ‘aştî bibo’. La hewna zî giroteyê nêweş zîndanan de yê. Her roj girotişî benêy. Lazimo ke indî dewlete vengê ma mayan bigoşdarno.”
Wa giroteyan azad bikê
Atmaca bedewameya qisey xo de waşt ke wa heme girotey sîyasî bêrê azadkerdiş û dewam kerd: “Waşteya ma ya sifte wa heme girotên nêweş azad bikê. Ma aşma Xizirî de yê. Dua ma dawa mah eme semedê giroteyê nêweş û girotey sîyasî heme bêrê veradayiş ke wa bişêrê axa xo ser. Wa Xizir kesêy zilmkar û heqê merdiman wenêy ra hesap biperso.”
’38 dewam keno'
Nevîn Balta zî 3 serrêy ke giroteya. Maya ay Elîf Balta zî bi çimêy xo yê hesrine vat: “Wa cayê ma yê pîroz hesabê çimêy min êy bi hesir şima ra biperso. Çîyê kem a 1938 de cuya hewna zî dewam keno. Keyê ma, dewên ma şaristanên ma veşnenêy. Na gam zî gedeyê ma ra genêy. Dilê ma veşnenêy. Ma bi gedeyê xo sereberz êy. Ma do şopdarê rayîra înan bibêy.” Qisê peynî yê maya Elîfî de: “Ege aştî beno se lazimo ke sifte zîndanîy bêrêy vengkerdiş. Eger nêrê vengkerdiş se veng o.”
Nîyaja Hamîlî Yildirim zî Nurcan Yildirim zî nêy çîyan ard ziwan: “Semedoke aştî esto, nêy gedeyê ma çira zîndanî de yê. Eger aştî beno se lazimo heme bivejyê teber. Gedeyê ma zîndanî de ma zî tîya de jan oncenêy. Edî bes o zilma ke ma ser de dewam keno.”
ANF/DERSIM