Antropolog Carolîne Mckusîck vat ke zatî Tirkîya di babetê azadîya çapemenîyê de îmajeke leymin ra wayîr o û wina vat: “Di rêjeya Rojnamegerê Sînor Nêşinasnenê de Tirkîya di mîyanê 180 welatê de 154’ê ca gêna. No rêje verê çalakîyê Kobanê ameybi viraştiş. Eke ma di çalakîyê Kobanê de rojanemegereke amey binçim girewtiş, hûmarê nê rojnamegeran barê no hûmarê bikerê rêjeya Tirkîya hîna cor bivejîyo.”
NOCA TIRKÎYA
Carolîne bal ont ser cînayetê xebatkarê Azadîya Welat Kadrî Bagduyê û wina domna: “Bi qirkerdişê Kadrî Bagduyê, ma hewna cînayetê faîlê meçhulî zî şahîd bî. Hewna di çalakîyê Kobanê de hêrişê ser xebatkarê çapemenî ma ra mojna ke Tirkîya di babetê azadîya rojnamegeran de faşîst o. Hewna zey Tirkîya, DAIŞ zî çapemenîya Azad xo ra teluke veynena û no ser zî Denîz Firat şehîd vist. Şîdeteke ser rojnamegeran est a di Rojhîlatê Mîyanê û Kurdistan de ayne ya şîdetî yo. Di komeleyê de azadîya şarê çin o se zatî azadîya çapemenîyê zî nêbo. Çimkî noca Tirkîyayê yo. Di Tirkîyayê de merdim, binê gefa guleyê polîs û tanqê DAIŞî yo. Sifteyin Amed û pêroyina şaristanan de 47 kesan amey qetilkerdiş, hetta îlana qedexeya vejîyayişê teber ame îlankerdiş.”
DAIŞ WEŞ ŞUXULNA
Carolîne aşkera kerd ke çapemenîya tirk DAIŞ zaf weş şuxulnena, çimkî bi nê çalakîyê xo leyminî heme dinyayê ra şovê xo kerd û wina dewam kerd: “Ez fikrîyena DAIŞ çapemenîya dinyayê manupula kena. Amerîka taybetê peynîya şerê Iraqî di Rojhîlatê Mîyanê de împaratorîya tersî înşa kerd û no tersî ser zî nika şarê Rojhîlatê Mîyanê nêşkenî bêrê têhet û DAIŞ zî eynî rayîrê şuxulnena. DAIŞ taybetê keseke pirsgirêk înan est ê beşdar benî. Taybetê nê cinawirê DAIŞî ra hêzê kapîtalist hetkarî danî. Hewna bi rayverîya bîyîşê koalîsyonê qet samîmî nîyo. AKP tena bi hêrişê hewayê projeyê xo balafirê dibare kena. Di çapemenîya Amerîkayê de zî qet ser xoverodayişê Kobanê ser nîno vindertiş yanî Şorişa Rojawan nêveynenê.”
ARMANCÎYA DÎN NÎYO
Carolîne ciresna ke DAIŞ qet edetîya dîn ra nîna, zatî armancê çeteyan averberdişê edetîya Rojhîlatê Mîyanê zî nîyo, her kes no babetê zaneno û wina qedîna: “Çapemenîya dinya DAIŞ seke edetîya îslam têkoşîn dana mojnenê. Ma raşt vajî se armancê DAIŞ heme edetîya Rojhîlatê Mîyanê peynî kerdişo. Yanî DAIŞ û hêzê kapîtalist di mîyanê hembarî de yê. Projeyeke DAIŞ wazena bido cuyayiş, ez no projeyê tersena.”
Zehra DOGAN / JINHA/CALIFORNIYA