Çukurova Tirkîya de heremeke tewr rengtir û zafziwan a, şaranê Çukurova serkewtişê HDPî ra bi hembar û Edeneyê ra 2, Mersînî ra 2 û Antalyayê ra zî yew wekîl eşrawitê Meclîsê. HDP Çukurova de rayanê xo di qet berz kerd û nêzdî 500 hezar ray no herem ra girewt. Wekîlanê Çukurovayê xebatê xo ser agahî dayî.

 Wekîla HDP ya Mersînê Çîlem Oz dîyar kerd ke Çukurova cayeke zaf bi rengtir û bi bereket a û no heremê de zî şar HDPî ra wayîr vejîya û ê dema weçînayişî de HDPî şaranê Çukurovayê ra weş dayî famkerdişî û no ser zî hêzê tarîyê Mersîn û Edene de bi teqnayişî bombeyan waştî şaran yewbînan ra ciya bikerî la dijî nê hêrişan şaranê Çukurovayê zî verperseke weş dayî û çimkî şaranê Çukurovayê aştî û azadî wazenî.


Krîza ekonomîk

Hewna wekîlê HDP ya Mersînê Dengîr Mîr Mehmet Firat zî ciresna ke o bawero ke do AKP nêeşkero serxo rayê bawerîyê bigêro, no zî mojneno ke hukimata koalîsyonê bêro sazkerdişî, êdî ravêreyeya weçînayişê peynî bî û êdî dem dema çareserîya probleman o û wina vat: “Eke verê krîza ekonomîyê nêro se girewtiş, do no demê verê Tirkîyayê krîzeke gird esto û ganîyo ke hukimatake bêro sazkerdişî û ganî dijî krîza ekonomîyê vergirewtişan bigêro. Nika verê Tirkîyayê pirsgirêkê gird mekaqanûn o û no ser zî ganîyo ke mekaqanûneke newe bêro viraştişî û paketa ewlehîya zereyî bêro betalkerdişî. Êdî verê Tirkîyayê problemê rejîmî çin o û ma wazenî ravêreyeya çareserî dewam bikero.”


Partîya heme şaran

Firat vat ke HDP êdî xo açarna partîyeke girseyî û no ser zî ganîyo ke êdî HDP heme dorûveran ra xo biresno û goreya sewbî weçînayişan HDP serkewtişeke gird qezenc kerd û HDP rayanê xo seyî ra se zaf kerd û no ser zî ganîyo ke HDP rayeke a ra ameyo, nê rayan ra wayîr bivejîyo. 

Wekîlê HDP ya Edeneyê Ridvan Turan aşkera kerd ke şaranê Tirkîyayê, no weçînayiş de îqtîdara AKPê parçe parçe kerdî, HDP bi projeyê xo reyde heme dorûveran ra resa û no ser HDP bî serkewt û serkewtişê HDP tena seba Kurdistan û Tirkîya nê seba Rojhîlatê Mîyanin zî serkewtişeke gird o, êdî girseyan ra paradîgmaya çep raştî dana. 

Hewna wekîla HDP ya Edeneyê Meral Daniş Beştaş zî îzeh kerd ke HDP bendê weçînayiş parçe parçe kerd û çimkî ê Edene de xebateke serkewt kerdî û Edene de rayanê înan zaf bîyo û dorûvereke sewbî weçînayişan de ray înan nêdaybî, nê dorûveran zî înan ra ray dayî, ê problemê heme dorûveran ra do çareserî bivînî.

Beştaş wina vat: “Edene varê bêkar û ser cenîyê şîdet şuxulnayiş de yewin a, her ke şona Edene de fabrîkayan yenî girewtişî, ê taybetê seba nê probleman xebat bikerî û bi feraseta dewleta komeleyê de probleman ser nîqaş bikerî.” 


 DÎHA/MERSÎN



Sektorê sera û turîzm qedîyayî


Wekîlê HDP ya Antalyayê Saruhan Oluç aşkera kerd ke HDP serkewtişeke gird ra îmze eşt û Antalya de sifteyin wekîlek vet û Antalya de HDP rayanê xo kerd di qet û heme dorûveran ra HDP ray û hetkarî girewt û wina dewam kerd: “Şaranê Tirkîyayê dijî dîktatorîyê AKPê têkoşîn dayî û hem Erdogan ra hem zî AKPî ra vatî vind. Meclîs de bîyîşê HDP zaf bi muhîm o, şarê Antalyayê projeyê Merdimatîya Gird ra vatî belê. Antalya şaristanê turîzmî yo la şaristan de çarqê mêtingerîyê est o û ê zî dijî nê probleman têkoşîn bidê. Bi hezaran karker zî bê ewlehî de xebityenî, ê dijî no problemî zî têkoşîn bidî.”

Oluç ciresna ke Antalya de ocaxê kerrayî zaf ê û daristanê sedîrî amey çinkerdişî, êdî polîtîkayê AKPê çinkerdiş nînê qebulkerdişî û seba xelisnayişê daristanê sedîrî ekolojistan bi serranî ke têkoşîn danî û do ê dijî nê probleman têkoşîn bidê û çareserîyê ser zî bixebitê.