8ê teşrîna verêna 2016î de qezaya Geverî ya Colemêrgî de wesayîtê zirxinî yê polîsan gule reşanaybî sivîlan ser de û netîceyê ci de 4 kesî merdbî û 2 kesî zî birîndar bîbî. Mehkemeya hedîseyî ameye dîyayene û netîceyê mehkeme de 11 serrî 1 aşme ceza dîyaye polîs Î.Myî labelê polîs nêame tewqîf kerdene.
Babete ser o Parlamenterê HDPyî yê Colemêrgî Saît Dedeyî vera qerarê mehkeme de reaskîyon nîşan da. Dedeyî va ‘netîceyê îxbarêkî de bi seyan kesî tewqîf benî, labelê hedîseyo ke vernîya çimanê herkesî de bî de sey xelate ceza dîyaye polîsî’.
Dedeyî dîyar kerd ke doze ‘ewleyîye’ ver neqlê Amedî bîya û wina dewam kerd: “Hîna serrêk derbaz nêbî, kerdox tehlîye bi. Wezîrîya Karê Zereyî beşdarê tazîye bîbî û sozê cezagirewtişê kerdoxan daybî. Labelê nika cezayêka sey xelate dîyaye. Heme delîlî nîşan dayênê ke kerdoxî bi hawayo qestî panayo. Ganî 2 polîsê bînî zî biameyêne mehkeme kerdene. Mehkeme herinda ke edalet bipawo, wezîfedaran pawena.”
Ma do pîya têkoşîn bidî
Dedeyî dewamê qiseykerdişê xo de wina va: “Huqûq xoser û bêhet nîyo. Wazenî ke nê çîyan normal bivînî. Labelê ma do qebul nêkerî. Dewlete herinda ke hemwelatîyan bipawo, înan kişena. Eke şima hende selahîyetan bidî walî û hêzê dewlete, o wext ê zî benî cesaretin. Ma do vera nê kerdişanê faşîstan de hetê şarê xo de bibî û pîya têkoşîn bidî.”
MA / COLEMÊRG